Вы тут

Беларускія вайскоўцы праводзяць сумесныя трэніроўкі з ПВК «Вагнер»


Вайскоўцы Узброеных Сіл Беларусі на палігоне «Брэсцкі» праводзяць сумесную трэніроўку з байцамі ПВК «Вагнер», паведамляе БелТА.


Фота: БелТА.

На працягу тыдня падраздзяленні сіл спецыяльных аперацый сумесна з прадстаўнікамі прыватнай ваеннай кампаніі адпрацуюць вучэбна-баявыя задачы.

Як адзначаюць у беларускім ваенным ведамстве, з улікам існуючай геапалітычнай абстаноўкі рэальны баявы вопыт ПВК — гэта магчымасць працягнуць развіваць курс, які беларуская армія ўзяла на мадэрнізацыю, перааснашчэнне і хуткае выкарыстанне вопыту сучасных ваенных канфліктаў у праграме падрыхтоўкі.

Прадстаўнікі кампаніі па прыбыцці размясціліся на палігоне і ўвялі беларускіх вайскоўцаў у курс справы аб маючай адбыцца трэніроўцы. Пасля гэтага вайскоўцаў падзялілі па групах, і яны прыступілі да заняткаў.

Вайскоўцы сіл спецыяльных аперацый Беларусі перакананыя, што рэальны баявы досвед, якім валодаюць байцы ПВК «Вагнер», неацэнны. 

Адзін з вайскоўцаў ССА Беларусі ў размове з журналістамі распавёў, што сумесная трэніроўка закранае многія аспекты: тактыку, медыцыну, агнявую падрыхтоўку. «Прадстаўнікі ПВК кожны дзень распавядаюць нам пра новыя прыёмы. Разыгрываюцца розныя сітуацыі, напрыклад, абстрэл рухомай калоны або напад дрона», — распавёў ён.

Так, пры абстрэле рухомай калоны вайскоўцы пакідаюць транспарт і займаюць кругавую абарону. Пры перабежках салдаты перасоўваюцца баявымі двойкамі на адлегласці 15-20 м адзін ад аднаго. Ваеннаслужачым неабходна знаходзіцца ў зоне бачнасці і падтрымліваць сувязь і зладжана дзейнічаць баявых двойках.

Пры гэтым адным з важных элементаў з’яўляецца нечаканасць з’яўлення ўводных. Вайскоўцы могуць атрымліваць іх літаральна па ходзе занятка. У разгар трэніроўкі можа прагрымець зымітаваны выбух, і салдатам неабходна зарыентавацца і скаардынаваць дзеянні ў змененых умовах.

Падрыхтоўка вайскоўцаў даволі інтэнсіўная. З раніцы яны атрымліваюць уступныя, грузяцца ў транспарт і едуць да месца правядзення трэніроўкі. «Інструктары пастаянна нас суправаджаюць і даюць вельмі карысныя парады, — распавёў іншы беларускі вайсковец. — Яны падказваюць нам, як займаць кругавую абарону, прыкрываць адзін аднаго, абараняцца ад беспілотнікаў, дзейнічаць пры выяўленні дыверсійна-разведвальных груп».

Байцы ПВК «Вагнер» на справе дэманструюць зацікаўленасць у тым, каб беларускае войска было моцным і сучасным, а беларускі народ жыў у мірнай і бяспечнай краіне.

У цяперашні час Міністэрствам абароны сумесна з прадстаўнікамі ПВК выпрацаваны выразны алгарытм і парадак перадачы баявога вопыту байцамі кампаніі. Гэта цэлы комплекс мерапрыемстваў сумеснай баявой падрыхтоўкі.

Выбар рэдакцыі

Жыллё

Аднапакаёвыя кватэры імкліва даражэюць

Аднапакаёвыя кватэры імкліва даражэюць

Прычына — даступныя крэдыты і ажыятажны попыт.

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.