Вы тут

«Еўропа ніяк не зможа паўплываць на выбраны Беларуссю самастойны шлях развіцця»


Заявы і недружалюбныя дзеянні еўрапейскіх чыноўнікаў не змогуць паўплываць на выбраны Беларуссю самастойны шлях развіцця. Аб гэтым гаворыцца ў заяве Міністэрства замежных спраў у сувязі з рэакцыяй Еўрасаюза на чарговую гадавіну прэзідэнцкіх выбараў у Беларусі.


Фота: БелТА.

У ведамстве адзначылі, што заявы высокага прадстаўніка Еўрасаюза Жазэпа Барэля, кіраўнікоў знешнепалітычных ведамстваў краін Балтыі і Польшчы, палітыкаў іншых дзяржаў ЕС з нагоды чарговай гадавіны прэзідэнцкіх выбараў у нашай краіне цалкам пабудаваны на заезджаных ілжывых абвінавачаннях у адрас Беларусі.

«Відавочна, што ЕС ніяк не жадае змірыцца з тым, што тры гады таму сітуацыя ў Беларусі пайшла не па напісаным у Бруселі сцэнарыі. Вымушаны чарговы раз расчараваць спадара Барэля і іншых дзеячаў — заявы і недружалюбныя дзеянні еўрапейскіх чыноўнікаў не змогуць паўплываць на выбраны Рэспублікай Беларусь самастойны шлях развіцця. Шлях міру і стварэння», — падкрэслілі ў МЗС.

У міністэрстве звярнулі ўвагу, што, нягледзячы на незаконныя санкцыі, закрыццё паветранай прасторы і блакіроўку граніц, інфармацыйны прэсінг, правакацыі з боку асобных членаў Еўрасаюза, Беларусь змагла захаваць і ўмацаваць сваю дзяржаўнасць, гарантаваць бяспеку і эканамічную стабільнасць.

«Беларуская мадэль паступальнага развіцця і асэнсаванай трансфармацыі грамадства даказала сваю стрэсаўстойлівасць і жыццяздольнасць. Рыторыка і крывадушны клопат ЕС і яго краін-членаў аб беларускім народзе нікога не павінны ўводзіць у зман. Санкцыі ў адносінах да цэлых галін нашай краіны груба парушаюць сацыяльныя і эканамічныя правы, падрываюць прывычныя жыццёвыя асновы тысяч простых беларусаў. Тупіковасць і адарванасць ад жыцця агрэсіўнай палітыкі, якая рэалізуецца еўраінстытутамі ў адносінах да Беларусі, становіцца ўсё больш відавочнай і грамадзянам самога ЕС. Разважлівыя галасы еўрапейцаў усё часцей прарываюцца праз татальную заходнюю цэнзуру. Скрываць ад еўрапейскай грамадскасці рэальны стан спраў у нашай краіне, якую можна наведаць і без афармлення візы, становіцца ўсё цяжэй», — канстатавалі ў знешнепалітычным ведамстве.

«Бруселю і іншым еўрапейскім сталіцам, якія падтрымліваюць у тым ліку незаконныя экстрэмісцкія фарміраванні з ліку беларускіх грамадзян, прыйшоў час уразумець: Беларусь прадоўжыць прытрымлівацца выбранага курсу, адстойваць незалежнасць і суверэнітэт краіны, абараняць мір на сваёй зямлі. Заклікаем Еўрасаюз прызнаць і прыняць выбар беларускага народа і вярнуцца да прагматычнага дыялогу для рэалізацыі патэнцыялу ўзаемавыгаднага супрацоўніцтва ў інтарэсах бяспекі і ўстойлівага развіцця ўсяго нашага рэгіёна», — рэзюмавалі ў МЗС.

Выбар рэдакцыі

Адукацыя

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

«Для таго, каб стаць падручнікам, матэрыялы, падрыхтаваныя аўтарамі, праходзяць шмат этапаў экспертызы, абмеркаванняў на дыялогавых пляцоўках з педагогамі, узгадненняў, апрабацыю ва ўстановах адукацыі». 

Рэгіёны

З чым едзе Брэстчына на сёлетні Форум рэгіёнаў

З чым едзе Брэстчына на сёлетні Форум рэгіёнаў

Вобласць падрыхтавала ладны пакет прапаноў удзельнікам форуму.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.