Вы тут

Лукашэнка зноў у палях, гэтым разам на ўсходзе. Галоўная тэма — безадвальная апрацоўка глебы


Прэзідэнт Беларусі Аляксандр Лукашэнка даручыў вывучыць вопыт безадвальнай апрацоўкі глебы, што дазваляе значна эканоміць рэсурсы на апрацоўку і пасеў, паведамляе БелТА.


 

Калі на мінулым тыдні Аляксандр Лукашэнка інспектаваў заходнія рэгіёны краіны, то гэтым разам у поле зроку ўсходнія вобласці. І ў дадзеным выпадку ў полі — у прамым сэнсе слова. Кіраўнік дзяржавы наведаў сялянскую фермерскую гаспадарку «Старт» у Аршанскім раёне, дзе на прыкладзе аднаго з палёў паглядзеў тэхналогію безадвальнай апрацоўкі глебы. Дадзенае пытанне Прэзідэнт пазначыў як стратэгічнае і даў даручэнне на практыцы вывучыць вопыт, каб у наступным годзе зрабіць канчатковыя высновы.

Апрацоўка глебы ажыццяўляецца спецыяльным агрэгатам. Прама па іржышчы пасля ўборкі ўраджаю ажыццяўляецца пасеў на патрэбную глыбіню, унясенне ўгнаенняў.

«Звычайнае поле. Іржышча пасля ўборкі. І мы гэты агрэгат запускаем па іржышчы. І ты гарантуеш, што на гэтым полі будзе тое, што мы хочам. Нягледзячы на тое, што тут мора травы», — спытаў Аляксандр Лукашэнка.

Віцэ-прэм’ер Леанід Заяц растлумачыў, што будуць ужытыя спецыяльныя сродкі, каб здушыць рост непатрэбнай травы і пустазелля. Ён далажыў, што ў адной з гаспадарак з пасеваў па такой тэхналогіі ўжо атрымалі высокі ўраджай рапсу, пшаніцы, добра ўрадзіла і кукуруза.

«Нам бы не прамахнуцца. Галоўнае, каб мы атрымалі ўраджай. Я думаю, першы год трэба паспрабаваць. Палову так пасеяць, а палову пры звычайным ворыве, — звярнуўся Прэзідэнт да кіраўніцтва гаспадаркі. — Будзем спрабаваць тут. У добрых гаспадарках — там, дзе ўжо вопыт ёсць, безадвальная апрацоўка глебы і пасеў па іржышчы — гэта добры варыянт. Але трэба асабліва на поўначы, усходзе акуратна да гэтага падыходзіць».

«Я думаю, гэта ланцуговая рэакцыя. Раз ужо паспяхова працуюць прадпрыемствы, ужылі гэтую тэхналогію, і ў іх ідзе эканомія і аб’ём вытворчасці прадукцыі, то пойдуць і ўсе», — выказаў меркаванне віцэ-прэм’ер.

Аляксандру Лукашэнку таксама далажылі, што пры такой тэхналогіі не толькі эканоміцца тэхнічны і паліўны рэсурсы, але гэта і добра пры засухах. Пласт зямлі не перагортваецца, а, адпаведна, лепш захоўвае вільгаць.

Але Прэзідэнт усё ж настойвае на тым, каб да падобнай навацыі падыходзілі ўзважана, папярэдне вывучыўшы ўсе магчымыя плюсы і мінусы. «Паглядзім, што ў цябе атрымаецца. Але я яшчэ раз кажу: ворыва ў адвал — мы перагортваем пласт, і гэта ўсё перагнівае. Гэта дае перагной глебе — угнаенне. Хутчэй, больш эфектыўна. Тут мы без абароту пласта. Так, эканомім. За кошт унясення комплексу ўгнаенняў даем ураджайнасць. У нейкай ступені гэта ўсё не так будзе перагніваць. Добра, што ў нас яшчэ зіма і вясна вільготныя», — заўважыў ён.

«Думаю, што нейкую частку плошчаў тваіх пасяўных трэба пакінуць і араць з абаротам пласта. І параўноўвай. Асабліва ў будучым годзе — што будзе тут, што будзе з абаротам пласта. А потым, калі ўсё нармальна пойдзе, будзем паступова пераходзіць не толькі тут, але і па краіне на гэтыя тэхналогіі. Людзі пойдуць. Былі б агрэгаты гэтыя», — сказаў Аляксандр Лукашэнка.

Фота: БелТА

Выбар рэдакцыі

Рэгіёны

Наперадзе — лета! Ці гатовыя тэрыторыі дзіцячага адпачынку прыняць гасцей?

Наперадзе — лета! Ці гатовыя тэрыторыі дзіцячага адпачынку прыняць гасцей?

Вучэбны год завяршаецца для 1,1 мільёна беларускіх школьнікаў, з іх 107,8 тысячы заканчваюць 9-я класы і 57,5 тысячы — 11-я.

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».