Кітайскі інтэрнэт-гігант Tencent паведаміў аб заўважным росце даходаў і чыстага прыбытку ў другім квартале ў параўнанні з аналагічным перыядам мінулага года, перадае «Жэньмінь жыбаа» анлайн».
Паводле апублікаваных фінансавых вынікаў, у красавіку-чэрвені Tencent атрымала даходы ў памеры больш за 149,2 мільярда юаняў (каля 20,7 млрд. долараў), што на 11 працэнтаў больш у гадавым вылічэнні. З пачатку гэтага года кампанія фіксуе такі рост даходаў ужо два кварталы запар.
Цягам другога квартала чысты прыбытак кампаніі павялічыўся на 33 працэнты ў параўнанні з такім жа часам летась і склаў больш за 37,5 мільярда юаняў. Як зазначаецца ў паведамленні, даход у сектары фінансавых тэхналогій і бізнэс-паслуг павялічыўся на 15 працэнтаў у гадавым вылічэнні і склаў 48,6 млрд. юаняў, што зрабіла гэты сегмент дзейнасці асноўнай крыніцай даходаў Tencent. На працягу дзевяці кварталаў запар гэты напрамак забяспечвае больш як 30 працэнтаў ад агульных даходаў кампаніі.
Даход ад рэкламнай дзейнасці ўзрос на 34 працэнты ў гадавым вылічэнні і дасягнуў 25 млрд. юаняў. Як сведчаць дадзеныя справаздачы, у першым паўгоддзі кампанія Tencent інвесціравала ў даследаванні і распрацоўкі каля 31,2 млрд. юаняў. Па словах старшыні савета дырэктараў і галоўнага выканаўчага дырэктара Tencent Ма Хуатэна, кампанія працягне ўкараняць інавацыі, у тым ліку за кошт выкарыстання генератыўнага штучнага інтэлекту (ШІ), а таксама ўдасканальваць сваю ўласную базавую мадэль ШІ.
Цэны на кірмашах сёлета сапраўды значна ніжэйшыя, чым на пастаянных рынках.
Кожны год навукоўцы знаходзяць новую суперсілу амегі.
З рэжысёрам «Кіношнікаў» — наша размова пра мары і іх увасабленне ў рэальнасць.
Хто здолее змяніць гісторыю ці змяніцца пад яе ўплывам?
