Беларуская дэлегацыя на чале з міністрам замежных спраў Сяргеем Алейнікам 19-24 верасня прыме ўдзел у 78-й сесіі Генеральнай Асамблеі ААН у Нью-Ёрку, паведамляе БелТА.
Работа 78-й сесіі ГА ААН будзе праходзіць ва ўмовах існуючага крызісу шматбаковасці і абвастрэння супярэчнасцей паміж дзяржавамі-членамі.
Асноўныя намаганні беларускай дэлегацыі плануецца сканцэнтраваць на задачах па пашырэнні кансалідуючага і стваральнага парадку дня, які падкрэслівае мірны характар нашых нацыянальных прыярытэтаў, процідзеянні ініцыятывам, накіраваным на падрыў нацыянальных інтарэсаў нашай краіны.
«Будзе ўдзелена ўвага аднабаковым прымусовым мерам, у прыватнасці, іх негатыўнаму ўплыву на ўстойлівае развіццё асобных краін, цэлых рэгіёнаў, сусветную эканоміку і гандаль, іх супярэчнасць міжнароднаму праву», — адзначылі ў МУС.
Дэлегацыя Беларусі таксама задзейнічае трыбуну ААН для пашырэння пытанняў умацавання харчовай бяспекі.
На 78-й сесіі беларускі бок плануе развіваць прыярытэтныя напрамкі свайго цяперашняга старшынства ў АДКБ пад лозунгам «Праз салідарнасць і супрацоўніцтва да міру і бяспекі» і садзейнічаць павышэнню вядомасці арганізацыі ў ААН.
Праграмай візіту Сяргея Алейніка ў Нью-Ёрк прадугледжаны выступленні на агульнапалітычнай дыскусіі 78-й сесіі Генасамблеі ААН, удзел у сустрэчы міністраў замежных спраў дзяржаў — членаў АДКБ, міністэрскай сустрэчы Групы сяброў у абарону Статута ААН, міністэрскай сустрэчы Групы аднадумцаў у падтрымку краін з сярэднім узроўнем даходу і шэрагу іншых шматбаковых мерапрыемстваў.
На палях Генасамблеі запланавана серыя двухбаковых сустрэч міністра замежных спраў з калегамі з Еўропы, Азіі, Афрыкі і Лацінскай Амерыкі, кіраўніцтвам Арганізацыі Аб’яднаных Нацый.
Прэв’ю: БелТА
Цэны на кірмашах сёлета сапраўды значна ніжэйшыя, чым на пастаянных рынках.
Кожны год навукоўцы знаходзяць новую суперсілу амегі.
З рэжысёрам «Кіношнікаў» — наша размова пра мары і іх увасабленне ў рэальнасць.
Хто здолее змяніць гісторыю ці змяніцца пад яе ўплывам?
