Намеснік дырэктара Дэпартамента дзяржаўнай палітыкі і кіравання ў сферы агульнай адукацыі Мінасветы Расіі Ганна Цімафеева аб'явіла аб стварэнні праграмы для школьніц, якая дазволіць ім стаць санітарнымі інструктарамі.
Праграма не толькі навучае асновам аказання першай медыцынскай дапамогі, але і дае магчымасць дзяўчынкам навучаць іншых гэтым навыкам, паведамляе РІА «Навіны».
Ганна Цімафеева адзначыла, што цяпер Расія імкнецца да стварэння адзінай адукацыйнай прасторы, і ў гэтым кантэксце было вырашана распрацаваць праграмы пазаўрочнай дзейнасці, уключаючы арганізацыю збораў школьнікаў. Для рэалізацыі гэтых ініцыятыў былі распрацаваны праграмы ў супрацоўніцтве з Мінабароны і МНС на базе цэнтраў «Авангард» і «Патрыёт». Запуск гэтых праграм запланаваны на пачатак навучальнага года.
Усяго ва Узбекістане пражывае больш за 9,5 мільёна маладых людзей або 26,8 працэнта ад агульнай колькасці насельніцтва.
Самы высокі паказчык — у Самаркандскай вобласці (больш за 1,1 мільёна чалавекі). А самы нізкі паказчык дэманструе Сырдар'інская вобласць (амаль 250 тысяч чалавек). У Ташкенце пражывае, вучыцца і працуе больш за 704 тысячы маладых людзей. Дарэчы, у Ташкенцкай вобласці гэты паказчык не вельмі на шмат адрозніваецца — больш за 767 тысяч хлопцаў і дзяўчат. Даныя аб колькасці моладзі ад 14 да 30 гадоў, якая пражывае ва Узбекістане, апублікавала Агенцтва статыстыкі.
Попыт на настаўнікаў карэйскай мовы ў Расіі за год вырас у 3,2 раза — да такіх высноў прыйшлі каманды сэрвісаў «Авіта Праца» і «Авіта Паслугі». Попыт на выкладчыкаў кітайскай мовы за гэты ж час вырас у 2,8 раза.
Аўтары даследавання тлумачаць такую дынаміку тым, што ў кампаній узнікла вострая патрэба ў спецыялістах, якія дапамогуць бізнесу наладзіць супрацоўніцтва з новымі замежнымі партнёрамі. Акрамя таго, сярод расійскіх школьнікаў апошнім часам расце масавае захапленне карэйскай поп-культурай.
За год таксама больш як удвая павялічыўся попыт на рэпетытараў па арабскай мове. Патрэба ў рэпетытарах па еўрапейскіх мовах расла меншымі тэмпамі: па англійскай — на 45 працэнтаў, па іспанскай — на 41 працэнт, па нямецкай і французскай — на 35 працэнтаў.
Сярэдняя зарплата выкладчыка замежнай мовы ў Расіі за год вырасла на пяць працэнтаў, колькасць вакансій — на 22 працэнты, а саіскальніцкі інтарэс — на тры працэнты.
Жыхарка ЗША Мэры Джэйн Копс раскрыла адзін з галоўных страхаў сучаснай моладзі і навучылася зарабляць, дапамагаючы маладым людзям ад яго пазбавіцца. Пра гэта паведамляе Busіness Іnsіder.
Амерыканка заўважыла нарастанне тэндэнцыі, якую яна называе тэлефоннай фобіяй. Многія прадстаўнікі пакалення Z (народжаныя пасля 1997 года) сутыкаюцца з усё большымі цяжкасцямі, калі ім трэба патэлефанаваць камусьці па рабоце. У пакалення Z і міленіялаў значна менш вопыту размовы па тэлефоне, таму што для іх асноўным спосабам стасункаў сталі тэкставыя паведамленні. Копс, якая шмат гадоў прапрацавала ў сферы бізнесу, вырашыла адкрыць свой кансультацыйны цэнтр, каб навучыць моладзь пераадольваць страх перад жывым званком чалавеку.
Першым крокам да пазбаўлення ад тэлефоннай фобіі жанчына лічыць поўную адмову ад любых тэкставых паведамленняў на тры дні. Таксама жанчына прызначае даты, у якія будзе нечакана тэлефанаваць сваім кліентам, каб прывучыць іх да імправізацыі падчас жывых стасункаў. Копс растлумачыла, што многія яе кліенты прывыклі нават з бацькамі камунікаваць з дапамогай тэкстаў. Жанчына расказала, што большасць яе кліентаў працуюць у фінансавым сектары або ў галіне стартапаў, дзе асабістыя стасункі вельмі важныя. Копс адзначае: «Вы не пабудуеце стасункі па электроннай пошце, таму што вельмі важна чуць інтанацыі суразмоўніка».
Паведамляецца, што спецыяліст бярэ 480 долараў за прыватную кансультацыю або 365 долараў за вэбінар, а яе стаўка за карпаратыўныя заняткі складае 3,5 тысячы долараў за суткі.
Сяргей СТАРЫНАЎ
Факты для тых, хто сумняваецца, прышчапляцца ці не.
Ледзяное покрыва яшчэ не акрэпла, а таму выходзіць на яго рызыкоўна і небяспечна.
Яна «змяняе нашу зямлю».
Рыбам давядзецца вырашаць сур’ёзныя сямейныя праблемы.
