У Бангладэш ад гарадчкі дэнге за суткі памерла рэкордная колькасць чалавек

У Бангладэш ад гарачкі дэнге за апошнія суткі памерла рэкордная колькасць чалавек — 21, а агульная колькасць памерлых перавысіла 860, паведамляе ТАСС са спасылкай на Protomalo.

Па дадзеных ведамства, за апошнія 24 гадзіны (з 8 раніцы 19 верасня да 8 раніцы 20 верасня) быў зафіксаваны 21 смяротны выпадак ад гарачкі дэнге. Колькасць памерлых дасягнула рэкорднага ўзроўню, паўтарыўшы максімум, які быў зарэгістраваны 2 верасня. Сярод 21 чалавека, які памёр ад денге, 10 былі жыхарамі горада Дака і 11 — пацыентамі за межамі Дакі.

Галоўнае ўпраўленне службы аховы здароўя краіны таксама паведаміла, што 3015 чалавек шпіталізаваны з гарачкі дэнге ў розныя бальніцы: з іх 857 знаходзяцца ў бальніцах Дакі і 2158 — у медустановах за межамі сталіцы. Прадстаўнікі ўпраўлення пацвердзілі, што ў 2023 годзе выпадкаў гарачкі дэнге больш зарэгістравана за межамі Дакі.

Аддзяленне па кантролі захворванняў Міністэрства аховы здароўя краіны абследуе лічынкі камароў-носьбітаў захворвання. Па словах лекараў, сёлета іх колькасць большая, чым калі-небудзь.

Дэнге — гэта вірусная інфекцыя, якая перадаецца пры ўкусе інфікаванай самкі камара Aedes. Гарачка дэнге з’яўляецца грыпападобным захворваннем, якія дзівяць як дзяцей груднога і ранняга ўзросту, так і дарослых людзей. Захворванне небяспечна тым, што можа выклікаць смяротную гемарагічную гарачку з крывацёкам і шокам.

Прэв’ю: pixabay.com