Удзельнікамі маштабнай акцыі сталі каля 500 студэнтаў. Мэтай форуму было стварэнне пляцоўкі для эфектыўнага ўзаемадзеяння студэнтаў, экспертаў і лідараў вядучай маладзёжнай арганізацыі краіны.
Да моладзі звярнуліся прарэктар па вучэбнай рабоце і інтэрнацыяналізацыі адукацыі Канстанцін Казадаеў, прарэктар па выхаваўчай рабоце і сацыяльных пытаннях Ганна Бакун і першы сакратар універсітэцкай пярвічнай арганізацыі БРСМ Раман Бандарук.
Ключавой падзеяй форуму стала прадстаўленне інавацыйных праектаў Беларускага рэспубліканскага саюза моладзі. Іх ініцыятарамі выступілі студэнты ўніверсітэта. Агучаныя прапановы ўключалі правядзенне беларуска-кітайскага форуму для адаптацыі замежных студэнтаў і фестывалю ваенна-патрыятычнай песні. Трэці праект мае на ўвазе арганізацыю сацыялагічных апытанняў сярод моладзі з мэтай выяўлення яе запытаў. Таксама былі ініцыяваны распрацоўка серыі інфармацыйных падкастаў «БРСМ News», пляцоўкі для развіцця прадпрымальніцкіх здольнасцей і рэалізацыя праекта «Ствары Беларусь сам», накіраванага на садзейнічанне моладзі ў развіцці сацыяльна-эканамічнай сферы краіны.
Працягнуўся форум прэзентацыяй рэбрэндынгу БРСМ БДУ. Аўтарам абноўленай версіі з’яўляецца чатырохкурснік юрыдычнага факультэта Кірыл Касько, ідэі якога перамаглі ў конкурсе на найлепшы лагатып БРСМ БДУ. Прапанаваныя студэнтам змены закранулі поўную змену фірменнага стылю, уключаючы сцяг, лагатып, карпаратыўныя колеры і адзенне. Новы мерч арганізацыі быў прадстаўлены на мерапрыемстве ў фармаце кароткага дэфіле. Усяго ў спаборніцтве было ацэнена 28 работ.
Завяршыўся форум урачыстым уручэннем членскіх білетаў БРСМ васьмі студэнтам БДУ.
Надзея НІКАЛАЕВА
Фота прэс-службы БДУ
Інтэрнат у аграгарадку Вялікая Рагозніца ўступіў у эксплуатацыю зусім нядаўна.
Водпуск для дысертацыі, вольныя гадзіны для шматдзетных і дыстанцыйная работа.
Факты для тых, хто сумняваецца, прышчапляцца ці не.
Рыбам давядзецца вырашаць сур’ёзныя сямейныя праблемы.
