Спаборніцтва праводзіцца ўпершыню і прымеркавана да маладога свята – Дня народнага адзінства і Года міру і стваральнай працы.
Як адзначыла куратар праекта, загадчыца кафедры тэлебачання і радыёвяшчання факультэта журналістыкі БДУ Алеся Кузьмінава, любоў да малой радзімы аб’ядноўвае ўсіх беларусаў. І дадзены конкурс дазволіць кожнаму з удзельнікаў падзяліцца з іншымі людзьмі ўнікальнай прыгажосцю і шматграннасцю роднага краю.
Да ўдзелу запрашаюцца студэнты і навучэнцы 9-11 класаў беларускіх устаноў адукацыі. Для гэтага канкурсантам неабходна да 8 кастрычніка ўключна запісаць кароткі відэаролік да адной хвіліны з прэзентацыяй любімага месца і апублікаваць у адной ці некалькіх сацыяльных сетках Instagram, TikTok або «УКантакце». Абавязковай умовай з’яўляецца ўказанне хэштэга #журфакаб’ядноўвае і акаўнтаў арганізатараў конкурсу @audioviz.fj і @jourbsu. У якасці перавагі залічаць наяўнасць аўтара работы ў кадры.
Вынікі спаборніцтва падвядуць у канцы кастрычніка. У склад журы ўвойдуць выкладчыкі кафедры тэлебачання і радыёвяшчання факультэта журналістыкі БДУ і прадстаўнікі рэспубліканскіх СМІ. Яны ацэняць відэаролікі на арыгінальнасць, сэнсавае напаўненне, крэатыўнасць, выкарыстанне тэхнічных рэсурсаў і вызначаць пераможцаў. Стваральнікаў найлепшых работ узнагародзяць каштоўнымі прызамі, а таксама арганізуюць для іх серыю майстар-класаў па відэавытворчасці, тэхніцы маўлення і журналісцкім майстэрстве.
Ініцыятарам і арганізатарам конкурсу выступае факультэт журналістыкі БДУ.
Надзея НІКАЛАЕВА
Прэв’ю: БелТА
Інтэрнат у аграгарадку Вялікая Рагозніца ўступіў у эксплуатацыю зусім нядаўна.
Водпуск для дысертацыі, вольныя гадзіны для шматдзетных і дыстанцыйная работа.
Факты для тых, хто сумняваецца, прышчапляцца ці не.
Рыбам давядзецца вырашаць сур’ёзныя сямейныя праблемы.
