ХІХ Азіяцкія гульні стартуюць у Ханчжоў

ХІХ Азіяцкія гульні пройдуць з 23 верасня па 8 кастрычніка ў горадзе Ханчжоу на ўсходзе Кітая, перадае «Жэньмінь жыбаа» анлайн». 

Чым гэтая Азіяда адрозніваецца ад усіх папярэдніх? Для ўдзелу ў Азіяцкіх гульнях у Ханчжоў зарэгістраваліся ўсе 45 нацыянальных алімпійскія камітэты Алімпійскага савета Азіі. У спартыўных спаборніцтвах прымуць удзел 12.417 спартсменаў і 4.975 афіцыйных асоб, што стане самай вялікай колькасцю удзельнікаў у гісторыі правядзення Азіяд.

Праграма Азіяцкіх гульняў ўключае спаборніцтвы ў 40 відах спорту, 61 дысцыпліне і 481 спартыўным мерапрыемстве. 29 з 40 відаў спорту адносяцца да алімпійскіх відаў спорту, 11 неалімпійскіх відаў ахопліваюць характэрныя віды спорту пяці азіяцкіх рэгіёнаў — Усходняй Азіі, Паўднёва-Усходняй Азіі, Паўднёвай Азіі, Цэнтральнай Азіі і Заходняй Азіі, а таксама новыя віды спорту, якія развіваюцца, такія як скейтбордынг, брэйк-данс і кіберспорт.

Ханчжоў з’яўляецца горадам-арганізатарам ХІХ Азіяцкіх гульняў, а гарады Нінбо, Вэньчжоў, Хучжоў, Шаасіна і Цзыньхуа — суарганізатарамі. Усяго налічваецца 56 месцаў правядзення спаборніцтваў, 31 незалежная трэніровачная пляцоўка, асноўная і 5 дадатковых вёсак Азіяцкіх гульняў у гарадах-суарганізатарах. У параўнанні з папярэднімі гадамі тэрыторыя правядзення ХІХ Азіяд з’яўляецца самай вялікай, а складанасць арганізацыі мерапрыемства перавышае ўзровень папярэдніх Азіяцкіх гульняў.

Азіяцкія гульні — адна з найбольш уплывовых міжнародных спартыўных падзей, яе камерцыйнае значэнне заслугоўвае асаблівай увагі. Паводле афіцыйных дадзеных, работа па развіцці рынку Азіяцкіх гульняў і Азіяцкіх парагульняў здзейсніла гістарычны прарыў, а маштабы кампаній-спонсараў і даходы ад спонсарскіх інвестыцый сталі найбуйнейшымі ў гісторыі Азіяд.