Жыхар Гомельскай вобласці разбіў вокны ў доме пенсіянеркі і абакраў яе

Па гарачых слядах затрыманы мужчына, які падазраецца ў грабяжы пажылой жанчыны ў Чэрыкаўскім раёне, паведамляе БелТА.

У Чэрыкаўскі РАУС паступіла паведамленне ад 87-гадовай жыхаркі раёна. Пенсіянерка распавяла, што невядомы разбіў вокны ў яе доме і пракраўся ўнутр. Ужыўшы гвалт, злачынец адабраў у пенсіянеркі грошы, мабільны тэлефон і ўцёк.

Спатрэбілася не больш за гадзіну, каб затрымаць злачынца на трасе ў напрамку Слаўгарада. Ім аказаўся 63-гадовы жыхар Гомельскай вобласці. Мужчына раней быў неаднаразова судзімы ў Расіі, у тым ліку за грабёж.

Узбуджана крымінальная справа.

Прэв’ю: БелТА