З 3 па 6 кастрычніка ў Мінску з афіцыйным візітам будзе знаходзіцца дэлегацыя Ульянаўскай вобласці. У рамках візіту ў Беларусь з гастролямі прыязджаюць Ульянаўскі дзяржаўны акадэмічны аркестр «Губернатарскі» і Ульянаўскі тэатр юнага гледача, паведамляе БелТА са спасылкай на прэс-службу Мінгарвыканкама.
Канцэртная праграма аркестра пад кіраўніцтвам галоўнага дырыжора Эдуарда Дзядзюры прымеркавана да знамянальнай культурнай падзеі гэтага года — 150-годдзя з дня нараджэння кампазітара і піяніста Сяргея Рахманінава. 5 кастрычніка ў канцэртнай зале Белдзяржфілармоніі ў выкананні аркестра прагучаць два знакавыя творы вялікага маэстра — Другі фартэпіянны канцэрт і Другая сімфонія.
Акрамя таго, упершыню мінчане і брэстчане 4 і 5 кастрычніка змогуць пазнаёміцца са спектаклямі Ульянаўскага тэатра юнага гледача. Іх прадставяць у Беларускім дзяржаўным акадэмічным тэатры юнага гледача ў Мінску і на сцэне тэатра лялек у Брэсце.
Прэв’ю: БелТА
Какававэла і вінаградныя жамерыны.
Рыбам давядзецца вырашаць сур’ёзныя сямейныя праблемы.
