Міжнародная канферэнцыя адвакатаў Беларусі і Расіі пройдзе ў Мінску 6 кастрычніка

Міжнародная канферэнцыя адвакатаў Беларусі і Расіі пройдзе ў Мінску 6 кастрычніка, паведаміла БелТА прэс-сакратар Беларускай рэспубліканскай калегіі адвакатаў Ірына Рэўт.

Удзельнікамі канферэнцыі стануць больш за 200 прадстаўнікоў адвакатуры Беларусі і Расіі. Узначаляць расійскую дэлегацыю прэзідэнт Федэральнай палаты адвакатаў (ФПА) Расіі Святлана Валодзіна і віцэ-прэзідэнт ФПА, прэзідэнт Міжнароднага саюза (садружнасці) адвакатаў Аляксей Галаганаў. Усяго ў форуме прымуць удзел прадстаўнікі больш як 30 рэгіёнаў Расіі.

Ганаровымі гасцямі канферэнцыі стануць прадстаўнікі Адміністрацыі Прэзідэнта Беларусі, Міністэрства юстыцыі, Генеральнай пракуратуры, Следчага камітэта, Беларускай натарыяльнай палаты, пасольства РФ у Беларусі, Беларускага саюза юрыстаў, НЦПІ, НЦЗПД, прадстаўнікі вышэйшых навучальных устаноў краіны і інш.

Канферэнцыя пройдзе ў канферэнц-зале Прэзідэнт-Атэля ў Мінску, дзе спачатку адбудзецца падпісанне двухбаковага пагаднення аб супрацоўніцтве паміж Беларускай рэспубліканскай калегіяй адвакатаў і Федэральнай палатай адвакатаў Расіі, а затым падпісанне пагаднення аб супрацоўніцтве паміж саветамі маладых адвакатаў дзвюх супольнасцей.

Напярэдадні, 5 кастрычніка, у Нацыянальнай бібліятэцы Беларусі пройдзе дыскусійная пляцоўка на тэму: «Маладзёжныя аб’яднанні адвакатаў на прасторы Саюзнай дзяржавы: абмен вопытам і выпрацоўка напрамкаў супрацоўніцтва». Па выніках работы дыскусійнай пляцоўкі плануецца прыняць рэзалюцыю, тэзісы якой будуць выкладзены 6 кастрычніка на Міжнароднай канферэнцыі, і падпісаць пагадненне аб супрацоўніцтве.

Прэв’ю: БелТА