Вы тут

Аляксандр Лукашэнка: Мы выстаялі. Цяпер трэба паднімацца з кален


Тэма экспарту беларускіх тавараў пасля адпаведнай нарады працягнулася ў дакладзе Прэзідэнту пасла Беларусі ў Расіі Дзмітрыя Крутога. У прыватнасці, тэмай рабочай сустрэчы кіраўніка дзяржавы і дыпламата стаў экспарт у Расію і парадак дня сустрэчы лідараў дзвюх краін.


Прэзідэнт пацікавіўся ў пасла, якія пытанні, на яго думку, заслугоўваюць увагі на вышэйшым узроўні — праз паўтара тыдня плануецца сустрэча Аляксандра Лукашэнкі і Уладзіміра Пуціна.

Хуткім часам у Беларусі будзе створана камісія, якая будзе займацца пытаннямі экспарту беларускіх тавараў. Узначаліць яе Дзмітрый Крутой0. Адпаведны ўказ кіраўніка дзяржавы павінен быць падпісаны ў бліжэйшы час. «Прапісвайце сабе нармальныя ва Указе паўнамоцтвы. Вядома, гэта будзе нагрузка на той апарат, які ў вас існуе. Нічога, ты як новы чалавек знойдзеш тых людзей, якія сёння ў вас недазагружаны або якія могуць выканаць большы аб’ём работы». Але і тут міністраў, апарат урада — трэба задзейнічаць усіх, каго вы злічыце патрэбным«, — даручыў Прэзідэнт. 

Аляксандр Лукашэнка запатрабаваў дакладваць яму напрамую, калі ў рабоце камісіі будуць узнікаць праблемы і пытанні. «Ваша справа, як вы будзеце планаваць гэтую работу. Калі да мяне будуць звяртацца людзі, яны адразу ж пойдуць да вас. А вы там збірайцеся разам і абмяркоўвайце. У вас у характары калегіяльнасць прысутнічае, я думаю, што і адказнасць у вас прысутнічае. Наўпрост дакладвайце, кажыце, што трэба будзе зрабіць», — сказаў ён. 

«Мы выстаялі. Цяпер трэба паднімацца з калень. Санкцыі, не санкцыі — увесь свет і мінеральныя ўгнаенні гатовы купляць, і нафтапрадукты. Нават у Расіі дэфіцыт... Таму няма такіх тавараў у Беларусі, якія мы не можам прадаць. Проста трэба варушыцца. Вы, ваша камісія адказныя за асабліва важныя групы тавараў», — падкрэсліў кіраўнік дзяржавы. 


У тэму

Чым будзе займацца камісія па экспарце?

Пасля даклада ў Прэзідэнта Дзмітрый Крутой расказаў журналістам, як будзе працаваць камісія: «Прэзідэнт зрабіў упор, каб гэта камісія не ўмешвалася у бягучую дзейнасць і не перашкаджала дырэктарам прадпрыемстваў працаваць, але была надгаліновым органам і ўносіла прапановы па фундаментальных пытаннях. Такіх, напрыклад, як пытанні лагістыкі ці чыгуначныя тарыфы. Гэта значыць тыя рэчы, якія дырэктар прадпрыемства не зможа самастойна вырашыць у Расіі, дзе патрабуецца, магчыма, умяшанне прэм’ер-міністраў ці прэзідэнтаў. Улічваючы, што ў нас на сёння ў краінавай экспартнай структуры Расія займае ўжо 65 працэнтаў, Прэзідэнт папрасіў вызначыць 75 найважнейшых пазіцый, па якіх ужо ідзе аналітычная работа», — сказаў ён.

Пасол расказаў, што на нарадзе кіраўнік дзяржавы цікавіўся пастаўкамі ў Расію як у натуральным выяўленні, так і ў вартасным. Па яго словах, цэнавыя ваганні, якія апошнія некалькі тыдняў назіраюцца на расійскім рынку з-за росту курсу расійскага рубля да долара, вядома, уплываюць на нашых экспарцёраў. «Немагчыма так хутка і аднамомантна пераглядаць умовы кантрактаў, таму, каб застацца ў рынку, недзе трэба ахвяраваць эканамічнай эфектыўнасцю. Але Прэзідэнт запатрабаваў, каб ніякіх страт не было, каб мы вельмі тонка рэгулявалі і настройвалі гэту схему», — адзначыў Дзмітрый Крутой. 

Валерыя СЦЯЦКО

Фота: БелТА

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.