Вы тут

Што пачытаць у часопісе «Алеся» ў кастрычніку?


Сэрца, аддадзенае дзецям

Гаспадыня мегавялікай сям’і, любячая мама ўсім выхаванцам, дырэктар ДУА «Мазырскі дзіцячы дом» Ірына Вішнеўская распавядае пра прынцыпы і ўмовы выхавання дзяцей, што засталіся без догляду бацькоў. 

— Мы не цураемся ніякіх дзяцей. Многія з іх у мінулым былі закладнікамі няпростых жыццёвых сітуацый і маюць адмоўны сацыяльны вопыт. Мы імкнемся іх, у першую чаргу, маральна аздаравіць. Вучым з разуменнем ставіцца да памылак бацькоў, дараваць ім і давяраць людзям, — адзначае Ірына Вішнеўская.

За 20 гадоў Ірына Іванаўна шмат чаго зрабіла для дзіцячай установы, якую ўзначальвае. Цяпер у хлопчыкаў і дзяўчатак ёсць усё для цікавага, насычанага жыцця, вучобы і адпачынку. А дырэктар ставіць перад сабой новыя мэты. Самая лепшая падзяка для яе — шчаслівая ўсмешка кожнага выхаванца. Ірына Вішнеўская перамагла ў рэспубліканскім конкурсе «Жанчына года — 2022» у намінацыі «Сэрца аддаю людзям».


Расшыфраваць таямнічыя «пейзажы душы» 

Як сумяшчаюцца ў адным творчым «я» кранальнасць жаночай інтымнай лірыкі і строгасць навукоўца? Чаму важна разглядаць здабыткі нашага мастацкага слова ў сусветным кантэксце? У чым місія выкладчыка сёння? Чаго жадае жанчына ў сваю восеньскую пару? Пра гэта і многае іншае журналіст «Алесі» гутарыць з кандыдатам філалагічных навук, дацэнтам кафедры беларускай філалогіі Гродзенскага дзяржаўнага ўніверсітэта імя Янкі Купалы, даследчыцай, паэтэсай, літаратурным крытыкам Алінай Сабуць. 

— Жывеш неадольным жаданнем расшыфраваць таямнічыя «пейзажы душы» герояў твораў, іх аўтараў — і разам з тым падзяліцца тым невымоўным, што носіш ва ўласнай душы. Паэзія адорвае небаўзлётнай марай дакрануцца да Хараства, адчуць магію слова, музыку радка, — дзеліцца Аліна Сабуць, якая сёлета на Дні беларускага пісьменства ў Гарадку была ўганаравана Нацыянальнай літаратурнай прэміяй у намінацыі «Лепшы твор літаратурнай крытыкі і літаратуразнаўства». 


«Марыць — карысна» 

У традыцыйнай рубрыцы «Мужчынскі погляд» сваімі думкамі аб прафесіі, сямейных каштоўнасцях, выхаванні дзяцей дзеліцца Алег Навінскі — цырульнік і шматдзетны бацька. 

— Па-ранейшаму лічу: марыць — карысна. Гэта вельмі матывуе. Іншая справа, што трэба не проста будаваць паветраныя замкі, а яшчэ і прыкладаць намаганні, працалюбства, каб увасобіць задуманае ў жыццё, — лічыць прафесіянал, які, па яго прызнанні, зрабіў сябе сам. 
Ад прызнанага майстра чытачкі часопіса змогуць даведацца, як правільна даглядаць валасы, каб заўсёды выглядаць прывабна. 


Псіхолагі — пра адносіны на працы і ў сям’і 

Спадарожнікаў жыцця мы выбіраем, а вось калег, як правіла, не. Між тым на працы мы праводзім не менш часу, чым дома. Як выбудоўваць адносіны з калегамі, каб эфектыўна працаваць і не губляць сілы на канфлікты? Каму гэта звычайна ўдаецца з найбольшым поспехам? Хто часцей за іншых заводзіць службовыя раманы? Што можа зрабіць кіраўнік, зацікаўлены, каб у калектыве панавала здаровая атмасфера? Пра ўсё гэта «Алесі» распавёў псіхолаг Яўген Уласаў. 

А ў гутарцы з псіхолагам Наталляй Плаўнік журналіст часопіса высвятляла, пра што варта помніць да заключэння шлюбу і як правільна сябе паводзіць са спадарожнікам жыцця ў далейшым, каб знізіць верагоднасць разводу і ўмацаваць сямейныя адносіны. 


Здароўе, хатняя ўтульнасць і мода

З кастрычніцкага нумара «Алесі» вы даведаецеся, што павінны ўлічваць жанчыны ўзросту за 50, выбіраючы сабе фізічную актыўнасць, і як без лішніх фінансавых выдаткаў вярнуць страчаныя функцыі бытавой тэхніцы. Часопіс раскажа, якімі восеньскімі водарамі варта напоўніць свой дом, каб стварыць у ім утульнасць. Вы прачытаеце пра трэнды манікюру восені — 2023 і даведаецеся, якія мадэлі верхняй дэмісезоннай вопраткі зараз актуальныя. 

Алена ВАЛЕР’ЕВА

Выбар рэдакцыі

Грамадства

Натурпрадукт у спадчыну

Натурпрадукт у спадчыну

Як Якуб Колас атрымліваў па два ўраджаі з адной градкі, і што з «даўно забытага старога» актуальна на хвалі цікавасці да эказемляробства.

Экалогія

Змяненні клімату: прычыны і перспектывы

Змяненні клімату: прычыны і перспектывы

Заклікаюць скарачаць выкіды CO2 аж да нулявых паказчыкаў, укараняць зялёныя тэхналогіі.

Грамадства

«Абяцаюць вялікія грошы і меры канспірацыі, але ўсе закладчыкі затрымліваюцца»

«Абяцаюць вялікія грошы і меры канспірацыі, але ўсе закладчыкі затрымліваюцца»

Праваахоўнікі расказалі, як маладых людзей вярбуюць для распаўсюджвання наркотыкаў і чым гэта звычайна заканчваецца.

Грамадства

У Беларусі прайшоў Адзіны дзень галасавання

У Беларусі прайшоў Адзіны дзень галасавання

Аб тым, як праходзіць Адзіны дзень галасавання, — у паведамленнях нашых карэспандэнтаў.