Вы тут

Дом літаратара наведалі студэнты з Пяцігорска


Студэнты Беларусі і Расіі рэалізуюць сумесны праект «Культура памяці — памяць культур». Партнёры ў супольнай справе — Інстытут замежных моў і міжнароднага турызма Пяцігорскага дзяржаўнага ўніверсітэта і Мінскі дзяржаўны лінгвістычны ўніверсітэт. Мэта праекта, прымеркаванага да 80-годдзя вызвалення Каўказа і Беларусі ад нямецка-фашысцкіх захопнікаў, які рэалізуецца пры падтрымцы Агульнарасійскай грамадскай арганізацыі «Дзелавая Расія» і СЗАТ «Бяспечныя дарогі Беларусі», — пошук і сістэматызацыя інфармацыі пра ўраджэнцаў Паўночнага Каўказа, якія ваявалі за вызваленне Беларусі, і ўраджэнцаў Рэспублікі Беларусь, якія ўдзельнічалі ў вызваленні Паўночнага Каўказа.


Зараз у Мінску знаходзіцца група студэнтаў з Пяцігорска. Яны, у прыванасці, наведалі і Дом літаратара. У Мемарыяльнай зале, дзе прадстаўлены багаты ілюстрацыйны матэрыял пра пісьменнікаў — удзельнікаў Вялікай Айчыннай вайны, старшыня Саюза пісьменнікаў Беларусі Алесь Карлюкевіч расказаў пра беларуска-расійскія літаратурныя сувязі, пра тое, наколькі цесна супрацоўнічаюць літаратары з Мінска з калегамі з розных рэгіёнаў Паўночнага Каўказа. На сустрэчы выступіў і старшыня таварыства дружбы «Беларусь — Расія», старшыня Мінскага гарадскога аддзялення Саюза пісьменнікаў Беларусі паэт, перакладчык, празаік Міхась Пазнякоў. Ён прачытаў свае вершы на беларускай і рускай мовах.

Удзел у сустрэчы прыняў і паэт і перакладчык Рагнед Малахоўскі, які шмат робіць для яднання паэтычных талентаў моладзі. Расказаў Рагнед і пра сваю нядаўнюю паездку ў Дагестан, Махачкалу, на кніжную выстаўку, дзе ён прадстаўляў айчыннае кнігавыданне.

Беларускія пісьменнікі падаравалі пяцігорскай дэлегацыі невялікі збор кніг для бібліятэкі Пяцігорскага дзяржаўнага ўніверсітэта.

У праграме знаходжання студэнтаў з Пяцігорска ў Мінску і Беларусі — пошукава-даследчыцкая праца ў Нацыянальным архіве Рэспублікі Беларусь, наведванне памятных мясцін баёў Вялікай Айчыннай вайны.

Мікола БЕРЛЕЖ

Фота Кастуся ДРОБАВА

Выбар рэдакцыі

Грамадства

Натурпрадукт у спадчыну

Натурпрадукт у спадчыну

Як Якуб Колас атрымліваў па два ўраджаі з адной градкі, і што з «даўно забытага старога» актуальна на хвалі цікавасці да эказемляробства.

Экалогія

Змяненні клімату: прычыны і перспектывы

Змяненні клімату: прычыны і перспектывы

Заклікаюць скарачаць выкіды CO2 аж да нулявых паказчыкаў, укараняць зялёныя тэхналогіі.

Грамадства

«Абяцаюць вялікія грошы і меры канспірацыі, але ўсе закладчыкі затрымліваюцца»

«Абяцаюць вялікія грошы і меры канспірацыі, але ўсе закладчыкі затрымліваюцца»

Праваахоўнікі расказалі, як маладых людзей вярбуюць для распаўсюджвання наркотыкаў і чым гэта звычайна заканчваецца.

Грамадства

У Беларусі прайшоў Адзіны дзень галасавання

У Беларусі прайшоў Адзіны дзень галасавання

Аб тым, як праходзіць Адзіны дзень галасавання, — у паведамленнях нашых карэспандэнтаў.