Вы тут

Што перашкаджае арганізаваць прамы рэйс у Беларусь жадаючым выехаць


У сувязі з напружаным ваенна-палітычным становішчам пасольства Беларусі ў Ізраілі працягвае актыўную работу па аказанні дапамогі беларускім грамадзянам як на тэрыторыі Ізраіля, так і сектара Газа. Пра гэта заявіў пасол Беларусі ў Ізраілі Яўген Вараб’ёў, паведамляе БелТА.


Фота БелТА

У тым ліку адсочваецца інфармацыя аб загінулых і пацярпелых, вядзецца ўзаемадзеянне з кампетэнтнымі дзяржаўным службамі і Інтэрполам.

На бягучы момант вядома аб трох загінулых грамадзянах Беларусі, двое з якіх загінулі на поўдні Ізраіля ў першыя дні канфлікту. Яшчэ адна беларуская грамадзянка была цяжка параненая ў выніку прамога траплення ракеты ў жылы дом. Тыдзень таму яна памерла ў бальніцы. Яе цела пры садзейнічанні пасольства было дастаўлена ў Беларусь для пахавання.

Таксама вядома пра гібель трох выхадцаў з Беларусі, якія былі грамадзянамі Ізраіля і даўно пражывалі на яго тэрыторыі.

Многія грамадзяне звяртаюцца ў пасольства па дапамогу, і дыпламаты робяць усё, што ў іх сілах. Пасольства дае неабходныя парады тым, хто хацеў бы выехаць з Ізраіля і вярнуцца ў Беларусь. Міжнародны аэрапорт Ізраіля працягвае працаваць, і кошт квіткоў ужо стаў больш умераным, адзначыў пасол.

У дыпмісіі таксама вядуць ўлік усіх грамадзян на выпадак з’яўлення больш зручнага і хуткага варыянту вярнуцца ў Беларусь. Яўген Вараб’ёў падкрэсліў, што ў гэтым кантэксце вялікую праблему складаюць заходнія санкцыі, якія былі накладзеныя на «Белавія». Нягледзячы на атрыманы дазвол ізраільскага боку, санкцыі не даюць рэалізаваць прамы рэйс з Ізраіля ў Беларусь. «Мы робім усё, каб вырашыць гэтыя праблемы», — запэўніў ён.

Што датычыцца сітуацыі ў сектары Газа, з-за адсутнасці ўвесь гэты час гуманітарнага калідора для эвакуацыі ў бок Егіпта пакуль не ўдаецца вывезці беларускіх грамадзян. Хоць для арганізацыі гэтага зроблена ўсё, што ў сілах дыпламатаў. «Думаю, гэтая работа ўвянчаецца поспехам», — сказаў пасол.

Выбар рэдакцыі

Культура

Чым сёлета будзе адметны фестываль песні і паэзіі ў Маладзечне?

Чым сёлета будзе адметны фестываль песні і паэзіі ў Маладзечне?

Арганізатары і ўдзельнікі свята запэўніваюць — знайсці сабе адпачынак па душы зможа кожны.

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў. 

Грамадства

Ірына Даўгала: Сям’я для беларусаў застаецца найвышэйшай каштоўнасцю

Ірына Даўгала: Сям’я для беларусаў застаецца найвышэйшай каштоўнасцю

«Сям’я закладвае ў чалавеку мараль, здольнасць спраўляцца з выпрабаваннямі, патэнцыял для развіцця, яна навучае любові, самаахвярнасці, культуры».