Вы тут

Лукашэнка распавёў пра новы этап у развіцці беларускага аўтамабілебудавання


Прадпрыемства «БЕЛДЖЫ» праз некалькі гадоў мае намер выйсці на вытворчасць 120 тыс. аўтамабіляў у год. Пра гэта Прэзідэнт Беларусі Аляксандр Лукашэнка заявіў 24 кастрычніка на сустрэчы з маладзёжныс актывам, паведамляе БелТА.


Сярод удзельнікаў сустрэчы былі маладыя супрацоўнікі розных прадпрыемстваў. Работнік «БЕЛДЖЫ», у прыватнасці, пацікавіўся ў кіраўніка дзяржавы, якім ён бачыць далейшае развіццё аўтамабілебудавання.

У снежні «БЕЛДЖЫ» будзе ўжо 12 гадоў. Гісторыя завода пачыналася з невялікай вытворчасці, дзе працавала крыху больш за 50 чалавек. Цяпер — гэта вядомае на ўсю краіну прадпрыемства, тут працуюць каля паўтары тысячы чалавек. Падчас урачыстага адкрыцця завода «БЕЛДЖЫ» ў лістападзе 2017 года Прэзідэнт заявіў, што яго мара — вырабляць у Беларусі ўласны легкавы аўтамабіль — ажыццявілася. Партнёрам выступіў кітайскі бок. Сёння беларускія аўтамабілі Geely карыстаюцца вялікай папулярнасцю не толькі на ўнутраным рынку, але і за мяжой. Попыт на іх пастаянна расце.

У Беларусі таксама маюць намер стварыць вытворчасць у супрацоўніцтве з кітайскай «ФАВ Груп». Найбольш вядомы брэнд карпарацыі — легкавы аўтамабіль Hongqi («Хунци», перакладаецца як «чырвоны сцяг»).

«Прыйшлі. Пачынаем разгортваць новую вытворчасць легкавых аўтамабіляў. Але галоўнае цяпер — лакалізацыя», — сказаў Аляксандр Лукашэнка.

Кіраўнік дзяржавы заявіў, што лакалізацыі цяпер будзе ўдзяляцца асаблівая ўвага. «Трэба атрымліваць свае дэталі для гэтага аўтамабіля. У нас для гэтага ўсё ёсць. У нас некаторыя прадпрыемствы недазагружаныя, — адзначыў Аляксандр Лукашэнка. — Так, няпростая задача — вырабіць свой рухавік для легкавога аўтамабіля і каробку перадач. Але мы паставілі перад сабой задачу. У нас ёсць маторны завод — хай вырабляе, хай варушыцца. Мы ж робім каробкі, рухавікі для іншых аўтамабіляў. Так, гэта больш тонкая праца, але мы яе зробім».

«Мы будзем будаваць дадатковы цэх па штампоўцы кузава. Дагаварыліся з кітайцамі ў гэтым плане. Калі будзе трэба абсталяванне, яны нам дапамогуць. І будзем паціху выходзіць на свой аўтамабіль. Мы купілі ліцэнзію ў іх, г.зн. мы ўжо будзем вырабляць BelGee. Ён будзе нават лепш, чым той, які мы вырабляем. Але на гэта трэба крыху часу. А так, праграма ў нас салідная: мы павінны забяспечыць сваіх людзей сваім аўтамабілем. Які б ні быў імпартны аўтамабіль — гэта імпартны. Што здарылася — запчасткі і іншае, а гэта — сваё. Трэба, каб было сваё. І мы ідзём да таго, каб мець сваё», — заявіў Прэзідэнт.

Чакаецца, што ў 2023 годзе «БЕЛДЖЫ» вырабіць больш за 60 тыс.аўтамабіляў — гэта ў два разы вышэй за леташнія паказчыкі. А праз некалькі гадоў аб’ёмы вытворчасці павялічацца да 120 тыс. аўтамабіляў у год.

Яшчэ адзін прыярытэт — стварэнне электрамабіля. У Беларусі ёсць пэўныя напрацоўкі ў гэтай галіне, і іх трэба развіваць, сказаў Аляксандр Лукашэнка. «Усё ёсць, акрамя батарэі», дадаў ён.

«Аўтамабіль у нас будзе. Будзе асноўны добры аўтамабіль, і дадаткова мы яшчэ прыцягваем сюды інвестараў, каб яны выраблялі аўтамабілі», — сказаў кіраўнік дзяржавы.

Прэв’ю: БелТА

Выбар рэдакцыі

Грамадства

 Для чаго Аляксей Хомчык стаў урачом?

Для чаго Аляксей Хомчык стаў урачом?

«Дзядзька Васіль загінуў, ты павінен працягнуць яго справу. Ты добра вучышся, павінен стаць доктарам».

Грамадства

Буякі, суніцы і лісічкі — прыцэньваемся да падарункаў чэрвеня

Буякі, суніцы і лісічкі — прыцэньваемся да падарункаў чэрвеня

«Ёсць і імпартныя, іспанскія — яны па-ранейшаму ў раёне 70 рублёў за кіло, 30 рублёў — кантэйнер».

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.