Вы тут

Парламенцкая дэлегацыя Беларусі на чале з Наталляй Качанавай прымае ўдзел у мерапрыемствах МПА СНД у Бішкеку


Парламенцкая дэлегацыя Рэспублікі Беларусь на чале са старшынёй Савета Рэспублікі Наталляй Качанавай прымае ўдзел у мерапрыемствах Міжпарламенцкай асамблеі дзяржаў — удзельніц СНД у Бішкеку.


Фота з тэлеграм-канала Савета Рэспублікі

На палях Міжпарламенцкай асамблеі 16 лістапада прайшла міжнародная канферэнцыя, прысвечанай 85-годдзю Жагорку Кенеша (парламента) Кыргызскай Рэспублікі. Выступаючы на ёй, Наталля Качанава адзначыла: «Менавіта ў такія моманты асабліва моцна ўсведамляеш, наколькі глыбокія гістарычныя карані парламентарызму Садружнасці Незалежных Дзяржаў, моцныя традыцыі народаўладдзя ў дзяржавах еўразійскай геапалітычнай прасторы і блізкія па духу нашы краіны і народы».

Гэта тое, што нам перадалося ў спадчыну з часоў, калі кыргызы, беларусы і ўсе савецкія народы жылі ў адной вялікай краіне, якую шанавалі як Радзіму-маці, дзялілі па-братэрску адна з адной радасці і нягоды, разам будавалі планы на будучыню, падкрэсліла спікер. «І тое, што сёння нам удаецца захаваць і прымножыць дзякуючы кіраўнікам нашых дзяржаў і добрым дружалюбным адносінам паміж імі», — адзначыла старшыня Савета Рэспублікі.

«Асноўныя падыходы нашых краін застаюцца нязменнымі. У цэнтры ўсяго — дзяржаўнага кіравання, палітыкі і грамадскай дзейнасці — чалавек і клопат аб ім. Справядлівасць, сумленнае і адказнае стаўленне да справы, самаахвярнае служэнне свайму народу і сваёй краіне — знак якасці, можна сказаць, брэнд дзяржаў — удзельніц СНД», — дапоўніла Наталля Качанава. Звяртаючыся да парламентарыяў дзяржаў — удзельніц СНД, яна зярнула ўвагу, што «Мы разумеем адзін аднаго не толькі розумам, але і сэрцам, мы прадстаўляем народы адной геапалітычнай прасторы і агульнага лёсу. Наша цывілізацыйная місія бачыцца не толькі ў тым, каб абараніць наша адзінства, але і сваім паспяховым прыкладам парламенцкага супрацоўніцтва дэманстраваць усёй сусветнай супольнасці эвалюцыйны шлях развіцця, выступаць фарватэрамі прагрэсіўных сіл чалавецтва».

Па-сапраўднаму згуртаваўшыся, парламентарыі краін СНД змогуць дабіцца вялікіх поспехаў для сваіх краін, забяспечыць мір, спакой і бяспеку, паставіць надзейную заслону выклікам сучаснасці, якія апускаюць нашу планету ў атмасферу хаосу і нявызначанасці, адзначыла спікер. «Разам мы зможам адрадзіць дух усеагульнай згоды і гарантаваць цяперашнім і наступным пакаленням права на будучыню», — падкрэсліла старшыня Савета Рэспублікі.

У Бішкеку таксама адбылася сустрэча Наталлі Качанавай са старшынёй Савета Федэрацыі Федэральнага сходу Расіі Валянцінай Матвіенка. Яны абмеркавалі шэраг пытанняў па развіцці двухбаковых адносін Беларусі і Расіі, адносін у рамках Саюзнай дзяржавы і Садружнасці Незалежных Дзяржаў.

Яшчэ адна двухбаковая сустрэча на палях Асамблеі — з Тарага Жагорку Кенеша Кыргызстана Нурланбекам Шакіевым. Ён запэўніў Наталлю Качанаву ў гатоўнасці кыргызскага боку пашыраць і ўмацоўваць супрацоўніцтва з Беларуссю па ўсіх напрамках узаемадзеяння, адзначыўшы вынікі свайго афіцыйнага візіту ў Беларусь у кастрычніку бягучага года, у ходзе якога ўдалося дасягнуць шэрага дамоўленасцей па найбольш важных пытаннях узаемадзеяння. У тым ліку было падпісана пагадненне аб супрацоўніцтве паміж парламентамі дзвюх краін.

17 лістапада адбудзецца 56-е пленарнае пасяджэнне МПА СНД. Асобная ўвага будзе ўдзелена ролі рускай мовы як мовы міжнацыянальных зносін у СНД. Парламентарыі таксама плануюць разгледзець шэраг мадэльных законапраектаў у сферы экалогіі, бяспекі і права.

Паводле БелТА

Выбар рэдакцыі

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.

Грамадства

Праўда і міфы аб паўфабрыкатах

Праўда і міфы аб паўфабрыкатах

У Год якасці мы задалі навукоўцам нязручныя пытанні аб тым, што «ўнутры» магазіннай пельмешкі або катлеткі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Блізнятаў надыходзіць тыдзень сур’ёзных змен у асабістым жыцці.

Адукацыя

Беларуская мадэль дашкольнай адукацыі: якасць, даступнасць, адказнасць

Беларуская мадэль дашкольнай адукацыі: якасць, даступнасць, адказнасць

У нашай краіне амаль 90 працэнтаў дзяцей ад года да шасці атрымліваюць дашкольную адукацыю.