Вы тут

Галоўчанка заявіў аб планах па серыйнай вытворчасці і экспарце новага гранатамётнага комплексу


Прэм’ер-міністр Беларусі Раман Галоўчанка заявіў у гутарцы з журналістамі аб планах серыйнай вытворчасці і экспарту новага гранатамётнага комплексу «Сапфір МДУ», паведамляе БелТА.


Фота: БелТА

«Хачу павіншаваць усіх распрацоўшчыкаў з паспяховым завяршэннем праграмы выпрабаванняў. Цяпер мы пераходзім да выпрабаванняў у войсках. Магчыма, будуць нейкія дапрацоўкі з пункту гледжання эрганомікі, але галоўны шлях пройдзены. І сёння мы ўжо ведаем, дзе і як будзем ажыццяўляць серыйную вытворчасць гэтых вырабаў. У іх вялікую патрэбу маюць нашы ўзброеныя сілы, а таксама ёсць велізарны экспартны патэнцыял. У гэтым мы абсалютна ўпэўненыя, таму што ведаем запыты нашых партнёраў і цікавасць на сусветным рынку да такога тыпу ўзбраенняў», — сказаў Раман Галоўчанка.

Ён адзначыў, што ўдалося вырашыць вельмі складаную задачу. «Мы паказвалі ўзор на выставе MILEX, і былі скептыкі, якія думалі, што Беларусі не ўдасца завяршыць гэтую працу. Але сёння мы ўжо можам упэўнена заявіць, што яна завершана паспяхова», — падкрэсліў прэм’ер-міністр.

Гэта гранатамётны комплекс новага пакалення з універсальнымі магчымасцямі. «Універсальная граната дазваляе весці працу па ўсіх тыпах мэтаў. Калі раней трэба было зарыентавацца і памяняць, тут адзін боепрыпас забяспечвае паражэнне ўсіх тыпаў мэтаў, што скарачае час, стралок не зблытае нічога. Акрамя таго, забяспечана найвышэйшая дакладнасць дзякуючы выкарыстанню беларускага прыбора кіравання агнём. Гэта была адна з самых складаных частак працы. У выніку мінімізаваныя памылкі стрэлка, яму застаецца толькі навесці прыбор на мэту і націснуць кнопку. І вага меншая дзякуючы прымяненню кампазітных матэрыялаў беларускай вытворчасці, што дазваляе выкарыстоўваць адразу некалькі вырабаў», — адзначыў прэм’ер-міністр.

Гранатамётны комплекс дазваляе весці агонь як адзінкавым вырабам, так і кластарам да чатырох вырабаў у залежнасці ад фізічных здольнасцяў байца.

Яшчэ адна ўнікальная асаблівасць — магчымая стральба з закрытага памяшкання. «Усе ведаюць, што цяперашнімі гранатамётам немагчыма гэта рабіць, таму што стрэлка ўразіць гукавая хваля і ціск. Тут гэтага не адбудзецца», — звярнуў увагу кіраўнік урада.

Гэта ўласная беларуская распрацоўка ў мэтах выканання даручэнняў Прэзідэнта Беларусі па імпартазамяшчэнні ў сферы ўзбраення. «Занадта дарагая штука-гэта закупляць. Напружвайце прамысловасць!» — заявіў сёння падчас рабочай паездкі Аляксандр Лукашэнка.

Выбар рэдакцыі

Рэлігія

200 гадоў пад заступніцтвам Пятра і Паўла

200 гадоў пад заступніцтвам Пятра і Паўла

Гомельскі кафедральны Свята-Петра-Паўласкі сабор — адзін з самых велічных праваслаўных храмаў Беларусі, адзін з нямногіх помнікаў архітэктуры зрэлага класіцызму, які захаваўся да нашых дзён.

Здароўе

Як мыць садавіну, гародніну і зеляніну, каб не атруціцца?

Як мыць садавіну, гародніну і зеляніну, каб не атруціцца?

«Апрацоўваць гародніну і садавіну сродкам для мыцця посуду нельга».

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».