Пісьменнікі ў Дзяржаўным літаратурна-мемарыяльным музеі Якуба Коласа — частыя госці. 21 лістапада а 18-й гадзіне ў межах музейнага праекта «Простыя словы» адбудзецца творчая сустрэча з Людмілай Рублеўскай.
Пісьменніцу, журналістку, якая працуе ў парламенцкай і ўрадавай газеце «Звязда», добра ведае айчынны чытач. Серыя яе раманаў з сямі асобных кніг «Авантуры Пранціша Вырвіча», над якой Людміла Рублеўская працуе многія гады, займела асаблівую папулярнасць. Кнігі выходзяць у Выдавецкім доме «Звязда». Некаторыя творы ўжо перавыдадзены. Пра «Авантуры Пранціша Вырвіча» шмат пішуць у друку, раманы перакладаюцца на рускую мову. За адзін з раманаў пісьменніца адзначана Нацыянальнай літаратурнай прэміяй Беларусі. На сустрэчы ў музеі Якуба Коласа будзе магчымасць набыць розныя кнігі Людмілы Рублеўская, атрымаць аўтографы пісьменніцы.
Праект «Простыя словы» — унікальная пляцоўка для прэзентацыі здабыткаў сучаснай беларускай літаратуры, для сустрэч чытача з лепшымі майстрамі айчыннай паэзіі і прозы.
— Мы запрашаем у госці ў Дом Коласа ўсіх, хто любіць беларускае слова, хто шануе класічную літаратуру і не цураецца знаёмства з кнігамі пісьменнікаў- сучаснікаў, — гаворыць дырэктар музея Ірына Мацяс.
«Дапамагаючы іншым, робішся лепшым, бо дабрыня ўзбагачае».
Звычкі, якія мы часам і не заўважаем, ствараюць нашу сучаснасць і будучыню.
«Галоўная задача „Беларусь 5“ — паказваць беларускаму гледачу беларускі спорт».
Ледзяное покрыва яшчэ не акрэпла, а таму выходзіць на яго рызыкоўна і небяспечна.
