Вы тут

Надвор'е: Позняя восень ударыць маразамі


Трэцяя дэкада лістапада прынесла нам халодныя паветраныя масы паўночных шырот. А значыць, мы ўступілі ў пару перадзім’я. Паводле апошніх звестак, сярэднясутачная тэмпература паветра па краіне знаходзіцца ў межах ад мінус 7 градусаў да плюс 1 градуса, што на 1–8 градусаў ніжэй за кліматычную норму. Вось таму на гэтым тыдні дарожнікам давядзецца змагацца з суцэльнай галалёдзіцай, а ў другой палове тыдня мы чакаем моцныя снегапады, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


 pixabay.com

Зімовы характар надвор’я захаваецца ў нашай краіне ў першай палове гэтага тыдня. У сераду будзе пераважна без ападкаў. На асобных участках дарог галалёдзіца. Уначы паветра астудзіцца да мінус 5–11 градусаў, пры праясненнях — да мінус 15 градусаў. Днём прагназуецца мінус 1–7 градусаў.

Паводле інфармацыі сіноптыкаў, у другой палове тыдня сітуацыя пачне мяняцца. На змену халодным арктычным вятрам, прыйдзе цёплая паветраная маса атлантычнага паходжання.

У чацвер чакаецца даволі складанае надвор’е. Увага! Раніцай і днём месцамі па паўночным усходзе прагназуецца моцны снег і моцны мокры снег. У асобных раёнах чакаецца завіруха, наліпанне мокрага снегу, на дарогах галалёдзіца, днём па захадзе слабы галалёд. Вецер узмоцніцца да 15–20 м/с. Тэмпература паветра ўначы будзе вагацца ад мінус 5 да мінус 11 градусаў, пры праясненнях — да мінус 15 градусаў, а днём — ад мінус 3 градусаў па ўсходзе да плюс 5 градусаў па захадзе краіны.

У пятніцу злёгку адпусціць, але будзе таксама ветрана і мокра. Ноччу на большай частцы, днём месцамі парывы ветру дасягнуць 15–20 м/с. Тэмпература паветра на працягу сутак будзе вагацца ад мінус 2 да плюс 4 градусаў, а ноччу па ўсходзе краіны — да мінус 4 градусаў. Днём па паўднёвым захадзе чакаецца да 7 цяпла.

Паводле папярэдніх прагнозаў айчынных сіноптыкаў, у гэтыя выхадныя характар надвор’я ў Беларусі па-ранейшаму будзе няўстойлівы. У суботу часам чакаюцца ападкі ў выглядзе мокрага снегу і дажджу. Месцамі слабыя туман і галалёд, на асобных участках дарог галалёдзіца. Уначы будзе ад мінус 4 да плюс 3 градусаў, а ўдзень — ад мінус 2 да плюс 5 градусаў.

Холадна і слізка пад нагамі (а часам — проста невыносна) будзе ў нядзелю. У гэты дзень часам будзе ісці снег і мокры снег. На дарогах месцамі ўтворыцца галалёдзіца. Уначы слупкі тэрмометра пакажуць ад нуля да мінус 7 градусаў, а пры праясненнях — да мінус 10 градусаў. Днём сіноптыкі абяцаюць ад мінус 5 градусаў да 2 цяпла. Усё, добрае надвор’е скончылася. Цяпер чакаем вясны.

Сяргей КУРКАЧ

Выбар рэдакцыі

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.

Грамадства

Праўда і міфы аб паўфабрыкатах

Праўда і міфы аб паўфабрыкатах

У Год якасці мы задалі навукоўцам нязручныя пытанні аб тым, што «ўнутры» магазіннай пельмешкі або катлеткі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Блізнятаў надыходзіць тыдзень сур’ёзных змен у асабістым жыцці.

Адукацыя

Беларуская мадэль дашкольнай адукацыі: якасць, даступнасць, адказнасць

Беларуская мадэль дашкольнай адукацыі: якасць, даступнасць, адказнасць

У нашай краіне амаль 90 працэнтаў дзяцей ад года да шасці атрымліваюць дашкольную адукацыю.