У мэтах удасканалення дзейнасці па планаванні, распрацоўцы і рэалізацыі стратэгічных праектаў, укараненні ў вытворчасць вынікаў навуковай дзейнасці пры Прэзідэнце Беларусі створаны Савет па стратэгічных праектах. Адпаведны ўказ № 357 «Аб Савеце па стратэгічных праектах» кіраўнік дзяржавы Аляксандр Лукашэнка падпісаў 20 лістапада, паведаміляе прэс-служба беларускага лідара.
Забеспячэнне дзейнасці Савета ўскладаецца на Нацыянальную акадэмію навук Беларусі. Узначаліць яго Старшыня Прэзідыума НАН Уладзімір Гусакоў.
Асноўнымі задачамі Савета вызначаны каардынацыя работы па пошуку і адборы перспектыўных стратэгічных праектаў, а таксама іх суправаджэнне; аналіз актуальнасці, палітычнай і эканамічнай мэтазгоднасці, канкурэнтаздольнасці прапанаваных і рэалізуемых стратэгічных праектаў; выпрацоўка прапаноў аб удасканаленні дзейнасці па рэалізацыі стратэгічных праектаў.
Як паведамлялася, 20 кастрычніка Прэзідэнт Беларусі Аляксандр Лукашэнка правёў нараду па ўдасканаленні сістэмы планавання і кантролю за рэалізацыяй стратэгічных праектаў. Кіраўнік дзяржавы нагадаў, што яшчэ вясной даручыў ураду, Нацыянальнай акадэміі навук і свайму памочніку Аляксандру Косінцу прапрацаваць стварэнне ў краіне так званага мазгавога ядра, здольнага ацэньваць і курыраваць маштабныя праекты.
«Патрэбны такі цэнтр, які пры Прэзідэнце, ад імя Прэзідэнта, побач з прэзідэнтам будзе бачыць, што адбываецца, і прымушаць усіх вас рэалізоўваць гэтыя праекты», — растлумачыў ён.
Аляксандр Лукашэнка падкрэсліў значнасць стратэгічных праектаў: «Гэта будучыня не толькі любой сістэмы, але і любой краіны ў цэлым. Стратэгічныя праекты, калі казаць пра Беларусь, гэта будучыня нашай краіны».
«Без будучыні не можа існаваць ні адзін чалавек, ні адна сістэма, ні адна дзяржава», — дадаў Прэзідэнт.
Прэв’ю: БелТА
Кожны дзень тут, як і ў звычайнай школе, праходзіць па раскладзе.
Як валанцёрскі рух падтрымлівае чатырохлапых «сяброў».
Стральцам трэба звярнуць увагу на знакі, якія пасылае лёс.
