Вы тут

З кім сустракаўся Лукашэнка ў Дубаі? Алейнік распавёў новыя падрабязнасці


Міністр замежных спраў Беларусі Сяргей Алейнік расказаў журналістам падрабязнасці аб сустрэчах кіраўніка беларускай дзяржавы са сваімі замежнымі калегамі на палях Сусветнага саміту па барацьбе са змяненнем клімату, перадае БелТА.


«Адбыўся шэраг сустрэч кіраўніка дзяржавы з лідарамі нашага Еўразійскага рэгіёна, з прэзідэнтамі Азербайджана, Казахстана, Узбекістана, Таджыкістана. І вельмі шырокая гама сустрэч прайшла з лідарамі краін Афрыкі», — сказаў Сяргей Алейнік.

Кіраўнік беларускай дзяржавы, у прыватнасці, правёў перамовы з Прэзідэнтам Каморскіх астравоў, які цяпер старшынюе ў Афрыканскім саюзе. Бакі абмеркавалі наладжванне ўзаемадзеяння Беларусі з афрыканскім кантынентам, перспектыўныя напрамкі супрацоўніцтва. «Дамовіліся прасоўваць узаемадзеянне паміж Беларуссю і Афрыканскім саюзам», — адзначыў міністр.

Сустрэчу лідараў Беларусі і Зімбабвэ Сяргей Алейнік назваў вельмі грунтоўнай. Паводле яго слоў, прэзідэнты абмеркавалі рэалізацыю дарожнай карты супрацоўніцтва, намецілі крокі па пашырэнні ўзаемадзеяння і правядзенні ў бліжэйшы час двухбаковай міжурадавай камісіі.

На сустрэчы з прэзідэнтам Кеніі дасягнута дамоўленасць аб развіцці міжведамаснага ўзаемадзеяння. Кіраўнікі дзяржаў намецілі канкрэтныя сферы для супрацоўніцтва: размова перш за ўсё аб сельскай гаспадарцы, прамысловасці, адукацыі і ахове здароўя. Прэзідэнты дамовіліся як мага хутчэй актывізаваць міждзяржаўныя кантакты.

Аляксандр Лукашэнка на палях саміту таксама правёў сустрэчы з прэзідэнтамі Мазамбіка, Руанды, Батсваны. «Падчас гэтых сустрэч абмяркоўваліся ключавыя сферы, якія сёння хвалююць афрыканскія краіны. Гэта сельскагаспадарчыя тэхналогіі, адукацыя, ахова здароўя, тэхналагічнае развіццё, інфармацыйныя тэхналогіі. Прычым абмяркоўвалі не толькі перспектывы развіцця новых інфармацыйных тэхналогій, бо, як выказаўся Прэзідэнт, мы не павінны забываць і пра старыя тэхналогіі, якімі мы маем і ў якіх сёння мае вострую патрэбу Афрыка», — распавёў кіраўнік знешнепалітычнага ведамства. 

Фота БелТА

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.