Вы тут

Качанава і Мезенцаў абмеркавалі міжрэгіянальнае ўзаемадзеянне Беларусі і Расіі


Адбылася сустрэча Старшыні Савета Рэспублікі Наталлі Качанавай з Дзяржсакратаром Саюзнай дзяржавы Дзмітрыем Мезенцавым, перадае БелТА.


Фота: БелТА

«У ходзе сустрэчы былі абмеркаваны пытанні міжрэгіянальнага ўзаемадзеяння, уключанасці суб’ектаў Расійскай Федэрацыі і рэгіёнаў Беларусі ў працу па ўвасабленні ў жыццё асноўных напрамкаў рэалізацыі палажэнняў саюзнай дамовы, вынікі якога былі падведзены на пасяджэнні Савета Міністраў Саюзнай дзяржавы 29 лістапада», — распавёў Дзмітрый Мезенцаў.

Дзяржсакратар праінфармаваў Наталлю Качанаву аб выніках пасяджэння Савета Міністраў Саюзнай дзяржавы, аб тых прапановах, якія выказалі бакі.

У прыватнасці, Дзмітрый Мезенцаў паведаміў, што Савет Міністраў Саюзнай дзяржавы адобрыў праект дэкрэта Вышэйшага дзяржсавета, які вызначае стратэгічнае ўзаемадзеянне Беларусі і Расіі на наступныя тры гады. Ён падкрэсліў, што пастаянны Камітэт Саюзнай дзяржавы ва ўзаемадзеянні з бакамі вядзе работу па падрыхтоўцы пасяджэння Вышэйшага дзяржсавета, якое павінна адбыцца ў наступным годзе.

Дзмітрый Мезенцаў падзяліўся, што федэральным органам выканаўчай улады Расійскай Федэрацыі і органам дзяржаўнага кіравання Рэспублікі Беларусь накіраваны праекты планаў аб святкаванні ў 2024 годзе 80-годдзя вызвалення Беларусі ад нямецка-фашысцкіх захопнікаў і 25-годдзя падпісання Саюзнага дагавора.

«Наталля Качанава адзначыла, што для Савета Рэспублікі асаблівай задачай з’яўляецца падрыхтоўка да Форуму рэгіёнаў Беларусі і Расіі, які адбудзецца ў чэрвені наступнага года ў Віцебскай вобласці», — падкрэсліў дзяржсакратар.

Дзмітрый Мезенцаў падкрэсліў значэнне той тэмы, якая стане асноўнай для абмеркавання на круглых сталах і пленарным пасяджэнні. «Тэма інавацый значная для Саюзнай дзяржавы, падтрымлівае забеспячэнне тэхналагічнага суверэнітэту і канкурэнтаздольнасць дзвюх нашых краін», — адзначыў ён.

Дзяржсакратар таксама праінфармаваў аб значным пашырэнні колькасці мерапрыемстваў Саюзнай дзяржавы ў культурна-адукацыйнай і гуманітарнай сферах. Дзяржсакратар падкрэсліў, што ўвага да грамадзянскага выхавання моладзі, рэалізацыя праектаў патрыятычнай накіраванасці сёння мае асаблівую актуальнасць.

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.