Вы тут

Што падарыць на Новы год садоўнікам і агароднікам


Як не памыліцца з падарункам, не падарыць тое, што для чалавека будзе непатрэбнае? Вось, напрыклад, садовая тэхніка ці мангал — рэчы даволі дарагія, але яны лёгка могуць аказацца непатрэбнымі. Садовая мэбля можа не падысці па дызайне, а мілыя фігуркі жывёл і гномаў у садзе падабаюцца далёка не ўсім.


Каб зрабіць правільны выбар, будзем адштурхоўвацца ад наступных разважанняў:

  • ёсць рэчы, якія быццам бы прыгожыя і спатрэбіліся б. Але ўсё ж яны не з’яўляюцца прадметамі першай неабходнасці, і таму мы не адважваемся марнаваць на іх грошы. А вось атрымаць іх у падарунак — справа іншая!
  • прадметы, якія нават апынуўшыся непатрэбнымі, будуць патрэбнымі.

Садовыя прылады і пальчаткі

Нават калі ў чалавека гэта ёсць, яны могуць зламацца ці згубіцца, таму лішнімі не будуць. Такія наборы можна хораша аформіць самастойна. А асаблівыя ўмельцы нават круцяць букеты з пальчатак.

Дроўніца

І ёсць тая самая рэч, на якую многія не рашаюцца патраціць грошы. Але ж як прыгожа і вельмі зручна!

Флюгер

Прыгожая рэч, якая ёсць далёка не ва ўсіх. А каб не падарыць непатрэбную, дастаткова перад пакупкай проста зірнуць на дах таго, каму рыхтуеце падарунак.

Адпужвальнік насякомых ці грызуноў

Вельмі карысны падарунак, бо многія што толькі ўжо не выкарыстоўвалі ў барацьбе з гэтымі шкоднікамі. І паспрабаваць чарговы гаджэт (калі ёсць надзея, што ён дапаможа) зусім не супраць!

Аўтаматычная сеялка

Асабліва актуальная для людзей, якім цяжка доўгі час знаходзіцца ў сагнутым стане падчас правядзення пасяўных работ, а расставацца з агародам не хочацца.

Садовыя свяцільнікі на сонечных батарэйках

У адрозненне ад садовых фігур, да гэтага часу карыстаюцца папулярнасцю, лёгка падладжваюцца пад любы экстэр’ер і падсвятляюць неабходныя прадметы, месцы, расліны, якія цвітуць. Цікавых дызайнаў такіх свяцільнікаў у продажы мноства. Пры выбары гэтага варыянта, несумненна, варта зрабіць стаўку менавіта на нетрывіяльны дызайн.

«Разумныя» сістэмы

Сістэмы разумнага дома і разумнага саду пачалі сваё ўзыходжанне да алімпу нашых сэрцаў даўнавата. Цэннікі на іх высокія, таму абзавесціся разумнымі садамі і дамамі пад сілу толькі нямногім. Але ж можна гэта рабіць паступова, пачаўшы з невялікіх, вельмі сціплых па ўкладаннях гаджэтаў. Аднымі з самых папулярных з’яўляюцца капельны і дыстанцыйны паліў. Актыўна развіваюцца робаты: пыласосы, касілкі і інш.

Ліхтары на батарэйках ці акумулятарах

Яны патрэбны заўсёды. Пры дрэнным вулічным асвятленні і перабоях з электраэнергіяй, што ў хаце часам здараецца. Нават калі ліхтар ёсць, другі і трэці ніколі не перашкодзяць.

Піла або сучкарэз з тэлескапічнай ручкай

Рэч, несумненна, патрэбная. Бо менавіта такія прадметы дазваляюць адчуваць сябе чалавекам, які ідзе ў нагу з тэхнічным прагрэсам, а не малпай, якая лазіць па пладовых дрэвах у спробе выпілаваць старыя і хворыя галінкі.

Сістэмы назірання

Выпадкі бываюць рознымі... Тое, што сапраўды на дачы лішнім не будзе, — гэта сістэмы назірання. І выбар іх сёння даволі вялікі.

Гэта, напрыклад, можа быць камера, якая ўстанаўліваецца прама на градку і можа быць прынята зладзюжкай за чарговы адпужвальнік ад грызуноў.

Ірына ТАМКОВІЧ

Прэв’ю: pexels.com

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.