Вы тут

У Коласаўскім музеі абмеркавалі новыя праекты


Настойліва грукаецца ў дзверы новы, 2024-ы, год. Наколькі плённым ён будзе для прапаганды беларускага прыгожага пісьменства, яшчэ пакажа час. Але ўжо сёння складаюцца новыя планы, праектуюцца новыя прэзентацыі і чытацкія канферэнцыі. У Дзяржаўным літаратурна-мемарыяльным музеі Якуба Коласа прайшла сустрэча, на якой вызначаны бліжэйшыя клопаты ў гэтым накірунку.


У час перамоў з кіраўніцтвам музея старшыня Саюза пісьменнікаў Беларусі, дырэктар — галоўны рэдактар Выдавецкага дома «Звязда» Алесь Карлюкевіч звярнуў увагу на розгалас, які сярод кнігавыдаўцоў і пісьменніцкай грамадскасці выклікаў шэраг нядаўніх фестываляў дзіцячай кнігі, дзіцячага чытання, што прайшлі на пляцоўцы музея. А гэта найперш — і традыцыйнае свята «Міхасёвы прыгоды», якое ўжо двойчы праводзілася ў Коласаўскім доме. Дырэктар музея Ірына Мацяс адзначыла, што наступны фестываль дзіцячай кнігі запланаваны на 29 лютага. Ён будзе прысвечаны развітанню з зімой, надыходу вясны. Чакаецца выхад наўмысна да гэтай падзеі кнігі з адным з урыўкаў з паэмы народнага песняра Беларусі «Новая зямля». Дарэчы, да папярэдняга фестываля Выдавецкі дом «Звязда» немалым для сённяшняга часу накладам выпусціў кнігу Якуба Коласа «Каляды» — таксама змест склаў асобны радздзел з неўміручай паэмы. 

На бліжэйшы час запланавана ў музеі і прэзентацыя цэлай паэтычнай бібліятэкі, над якой у Выдавецкім доме «Звязда» рупіліся некалькі гадоў запар. Размова — пра калектыўныя зборнікі, якія прадстаўляюць паэзію аўтараў з Берасцейшчыны і Гомельшчыны, Гродзеншчыны і Віцебшчыны. Укладальнікам гэтых кніг выступіў старшыня секцыі паэзіі Саюза пісьменнікаў Беларусі галоўны рэдактар часопіса «Полымя» Віктар Шніп. Мяркуецца, што на прэзентацыю будуць запрошаны літаратуразнаўцы, крытыкі, даследчыкі сучаснай беларускай літаратуры. 

Абмеркавалі ў Коласаўскім музеі і іншыя ініцыятывы, сярод якіх і пашырэнне прасторы коласазнаўства ў рэгіёнах нашай краіны, своеасаблівыя вандроўныя літаратурна-краязнаўчыя экскурсіі і праца перасоўных экспазіцый, прысвечаных жыццю і творчасці класіка. 

Раман СЭРВАЧ

Прэв’ю: БелТА

 

 

 

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.