Вы тут

Віктар Хрэнін: «Беларусь ні адзін народ не разглядае як свайго ворага»


Як заўважыў міністр абароны Віктар Хрэнін, Ваенная дактрына — гэта асноватворны дакумент, дзе адлюстраваны асноўныя погляды дзяржавы на мір і вайну, на прымяненне ваеннай сілы ў рамках рэагавання на ўсе выклікі і пагрозы, якія ёсць. Па словах кіраўніка абароннага ведамства, самае галоўнае, што ў Ваеннай дактрыне захавана перамнасць, якая перш за ўсё заключаецца ў міралюбівым характары беларускага народа. «Мы дакладна падкрэсліваем і гаворым у ёй, што Рэспубліка Беларусь ні адзін народ не разглядае як свайго ворага, нягледзячы на дзеянні іх урадаў, — гэта ключавы пасыл Ваеннай дактрыны», — акцэнтаваў увагу Віктар Хрэнін. 


Фота БелТА

Па словах міністра абароны, Ваенная дактрына стала адраснай. «Мы дакладна называем крыніцы ваенных пагроз нашай краіне і ад якіх краін яны зыходзяць», — канкрэтызаваў ён.

Узмоцнена сувязь найважнейшых стратэгічных дакументаў — Ваеннай дактрыны і Канцэпцыі нацыянальнай бяспекі. «Пад выклікі ваеннай бяспецы, якія ёсць, дакладна сфармулявана лінейка пагроз ваеннай бяспецы нашай краіны, — удакладніў міністр абароны. — Зыходзячы з гэтага, мы дакладна выбудавалі і сфармулявалі тыя меры, якія будзе прымаць дзяржава пры ўзнікненні рызык, выклікаў і пагроз. У рамках рэагавання на магчымыя пагрозы ваеннай бяспецы нашай краіны мы вызначылі і даводзім погляды Рэспублікі Беларусь на прымяненне размешчанай на нашай тэрыторыі тактычнай ядзернай зброі». 

У Ваеннай дактрыне з’вілася новая глава, дзе вызначаюцца саюзніцкія абавязацельствы. «Перш за ўсё абапіраючыся на негатыўны вопыт спробы дзяржаўнага перавароту ў Казахстане», — патлумачыў кіраўнік абароннага ведамства. 

У новай рэдакцыі дакумента адышлі ад старой градацыі ваенных канфліктаў (рэгіянальныя, лакальныя і іншыя). «Цяпер дакладна вызначылі, што ён (канфлікт. — “Зв”.) можа быць або міждзяржаўны, або міжкааліцыйны, — дадаў Віктар Хрэнін. — Мы зрабілі градацыю па колькасці ўдзельнікаў і дакладна прапісваем, што Рэспубліка Беларусь можа супрацьстаяць пагрозам, калі ўзнікне міждзяржаўны канфлікт, асабліва з суседнімі нам дзяржавамі. У рамках рэакцыі мы падзялілі пагрозы на ўнутраныя і знешнія». Вызначаны дзеянні дзяржавы пры рэагаванні на іх. 

«Кіраўнік дзяржавы даручыў правесці яшчэ некаторыя дапрацоўкі, — кажучы аб Ваеннай дактрыне, рзюмаваў міністр абароны. — У выніку мы вынесем даны дакумент на разгляд Усебеларускага народнага сходу, які вырашыць: будзе яна прынята або не».

Вераніка КАНЮТА

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?