Вы тут

У суботу «Беларусь 3» пацешыць гледачоў камедыяй «Жаніцьба Бальзамінава»


У суботу раніцай на тэлеканале «Беларусь 3» пакажуць кінакласіку — фільм «Жаніцьба Бальзамінава» (1964 года). Камедыя, знятая рэжысёрам Канстанцінам Воінавым 60 гадоў таму, не проста вяртае гледача ў мінулыя часы, але і нагадвае пра рэчы і каштоўнасці, якія знаходзяцца па-за часам.


Фота: 1tv.com

Кінастужка з’явілася па матывах трылогіі Аляксандра Астроўскага «Святочны сон да абеду», «Свае сабакі грызуцца, чужая не прыставай!» і «Жаніцьба Бальзамінава (За чым пойдзеш, тое і знойдзеш)». Унікальным гэты фільм зрабіла тое, што акцёры, якіх рэжысёр падабраў для карціны, сыгралі не характэрныя для сябе ролі і зрабілі гэта настолькі таленавіта, што іх герояў палюбілі гледачы. Адметна, што ў ролі Бальзамінава Воінаў бачыў толькі свайго сябра Георгія Віцына, але пакуль пачаў здымаць фільм, то акцёру было ўжо за сорак, хаця граць яму патрэбна было 25-гадовага хлопца. Амаладзіўся герой з дапамогай пасмаў валасоў і рабаціння. А вось яго экранная мама Людміла Шагалава тады была на некалькі гадоў маладзейшая за яго. І, каб стварыць у кадры з яе жанчыну ва ўзросце, актрысу грыміравалі, ствараючы зморшчынкі на твары, падкладалі кілаграмы ваты пад адзенне. Незайздроснымі былі некаторыя рабочыя моманты і для свахі (Лідзіі Смірновай), калі, напрыклад, на здымках эпізода з тортам актрысе давялося есці пірог на працягу 15 дубляў, пакуль вынік не спадабаўся рэжысёру.

Дзеянне карціны, якое адбываецца ў атмасферы Масквы ХІХ стагоддзя, здымалі ў горадзе Суздаль. Рэжысёр заплаціў гаспадыні аднаго з дамоў добры ганарар, каб яна дазволіла праводзіць у яе здымкі. Усе сцэны здымалі ў двары ці за плотам, а эпізоды ўнутры памяшканняў адыгрываліся ўжо ў павільёнах... Таму, калі ёсць жаданне занурыцца ў мінулае, знятае па класіцы, то не прапусціце кінастужку «Жаніцьба Бальзамінава» ў суботу 20 студзеня на сацыякультурным тэлеканале.

Алена ДРАПКО

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.