Вы тут

План саюзнай інтэграцыі да 2026 года разгледзяць на бліжэйшым пасяджэнні ВДС


На зацвярджэнне Вышэйшага дзяржсавета Саюзнай дзяржавы Беларусі і Расіі будзе вынесены праект дакумента аб новым трохгадовым перыядзе для рэалізацыі палажэнняў Дагавора аб стварэнні СД. Пра гэта заявіў дзяржаўны сакратар Саюзнай дзяржавы Беларусі і Расіі Дзмітрый Мезенцаў на сустрэчы з Прэзідэнтам Беларусі Аляксандрам Лукашэнкам, паведамляе БелТА.


Фота: БелТА

Дзяржсакратар падзякаваў за магчымасць сустрэчы, падчас якой ён праінфармаваў аб дзейнасці Пастаяннага камітэта СД, а таксама аб узаемадзеянні бакоў у фарматах Саюзнай дзяржавы. Гаворка, у прыватнасці, ішла аб маючым адбыцца пасяджэнні Вышэйшага дзяржсавета, якое, па словах Дзмітрыя Мезенцава, «мае асаблівае значэнне». Што датычыцца парадку гэтага мерапрыемства, то, як паведаміў дзяржсакратар, на зацвярджэнне прэзідэнтаў Беларусі і Расіі будзе вынесены праект дакумента аб новым трохгадовым перыядзе рэалізацыі палажэнняў Дагавора аб стварэнні СД — на 2024-2026 гады.

«На пасяджэнні Савета Міністраў (Саюзнай дзяржавы. — Заўвага БелТА) 29 лістапада зацверджаны праект дэкрэта Вышэйшага Дзяржсавета, які падводзіць вынік працы над 28 саюзнымі праграмамі і які вызначае, калі падтрымаеце вы і Уладзімір Уладзіміравіч (прэзідэнт Расіі Уладзімір Пуцін. — Заўвага БелТА), члены вышэйшага дзяржсавета, новы трохгадовы этап, уключаючы 2026 год, па рэалізацыі Асноўных палажэнняў Дагавора аб стварэнні СД», — сказаў Дзмітрый Мезенцаў.

Ён падкрэсліў, што дзякуючы рашэнню кіраўнікоў дзяржаў, прынятаму ў лістападзе 2021 года, па фарміраванні 28 саюзных праграм быў новы перыяд эканамічнай інтэграцыі Беларусі і Расіі. «Гэта комплексны, узаемаўвязаны маштабны дакумент, які вывеў сістэму адносін у СД на прынцыпова іншы ўзровень», — адзначыў дзяржсакратар.

Пасля сустрэчы з кіраўніком беларускай дзяржавы Дзмітрый Мезенцаў растлумачыў журналістам, што работа па 28 саюзных праграмах практычна завершана і пра гэта далажылі кіраўнікі ўрадаў Беларусі і Расіі на пасяджэнні саюзнага Саўміна. На новы трохгадовы перыяд плануецца зацвердзіць асноўныя напрамкі рэалізацыі дагавора аб стварэнні СД з правам для Савета Міністраў зацвярджаць планы сумеснай работы. Гэта дазволіць больш аператыўна адгукацца на выклікі часу, уносіць карэктывы ў гэтыя планы (у выпадку з саюзнымі праграмамі гэта зрабіць было больш цяжка), растлумачыў дзяржсакратар.

Што тычыцца даты правядзення пасяджэння ВДС, то, па яго словах, яно пройдзе «ў самы хуткі час».

«Я прадставіў (на сустрэчы з Прэзідэнтам Беларусі. — Заўвага БелТА) прапановы бакоў па маючым адбыцца пасяджэнні ВДС. Гэта і даклады ўрадаў, што зроблена, і даклады міністраў замежных спраў аб працы, якую яны праводзяць у рамках узгодненай знешняй палітыкі», — дадаў Дзмітрый Мезенцаў.

Кардынальнае адрозненне асноўных напрамкаў рэалізацыі палажэнняў Дагавора аб стварэнні Саюзнай дзяржавы на 2024-2026 гады ад аналагічнага дакумента на 2021-2023 гады заключаецца ў тым, што ў праект на новы трохгадовы перыяд уключаны вялікі блок гуманітарных, культурных і сацыяльных пытанняў. У той час як папярэдні дакумент разам з 28 саюзнымі праграмамі пераважна канцэнтраваўся на эканамічным складніку супрацоўніцтва, прамысловасці, банкаўскай сферы і іншых падобных напрамках.

Выбар рэдакцыі

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.