Вы тут

Гомельская і Бранская вобласці маюць намер пашырыць супрацоўніцтва


Перспектывы далейшага пашырэння супрацоўніцтва Гомельскай і Бранскай абласцей абмяркоўваліся 31 студзеня на сустрэчы старшыні Гомельскага аблвыканкама Івана Крупко і дэлегацыі Бранскай вобласці, якую ўзначальвае губернатар Аляксандр Багамаз, перадае БелТА.


Фота: БелТА

Іван Крупко адзначыў, што за апошнія гады ўзаемаадносіны двух рэгіёнаў выйшлі на якасна новы ўзровень. Пашырана партнёрства ва ўсіх сферах жыццядзейнасці. «Гэта прыклад супрацоўніцтва рэгіёнаў Беларусі і Расіі», — сказаў старшыня аблвыканкама. Ён таксама лічыць, што партнёрства дзвюх абласцей уносіць важкі ўклад у будаўніцтва Саюзнай дзяржавы.

Кіраўнік вобласці перакананы: бакам трэба зрабіць рэвізію па ўсіх напрамках, паглядзець рэсурсы ў новых плоскасцях, каб знайсці новыя імпульсы для пашырэння партнёрства. «Бурна развіваецца аграпрамысловы комплекс Бранскай вобласці. І нам ёсць што прапанаваць у гэтай сферы», — падкрэсліў Іван Крупко.

Як было адзначана, у вытворчай кааперацыі павялічыць узаемны тавараабарот дазволіць сумесная праца па нарошчванні аб’ёмаў вытворчасці на сумесным прадпрыемстве «Брансксельмаш».

У будаўнічай сферы праектныя і будаўнічыя арганізацыі Гомельскай вобласці гатовыя прымаць удзел у жыллёвым будаўніцтве, рэалізацыі дарожна-будаўнічых і сельскагаспадарчых праектаў, пастаўляць будматэрыялы ў Бранскую вобласць, падкрэсліў Іван Крупко.

Аляксандр Багамаз распавёў аб планах па будаўніцтве басейнаў і лядовых арэн у Бранскай вобласці. Ён прапанаваў разгледзець магчымасць удзелу ў гэтых праектах гомельскіх будаўнікоў.

/Будзе дапоўнена/.

Выбар рэдакцыі

Адукацыя

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

Ірына Старавойтава: За гады суверэнітэту ў Беларусі сфарміравалася свая школа стварэння падручнікаў

«Для таго, каб стаць падручнікам, матэрыялы, падрыхтаваныя аўтарамі, праходзяць шмат этапаў экспертызы, абмеркаванняў на дыялогавых пляцоўках з педагогамі, узгадненняў, апрабацыю ва ўстановах адукацыі». 

Рэгіёны

З чым едзе Брэстчына на сёлетні Форум рэгіёнаў

З чым едзе Брэстчына на сёлетні Форум рэгіёнаў

Вобласць падрыхтавала ладны пакет прапаноў удзельнікам форуму.

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.