Вы тут

У Дуньхуане працуе «пячорны» паліцэйскі ўчастак


На тэрыторыі Дзяржаўнага геалагічнага парку Ядань у Дуньхуане правінцыі Ганьсу ёсць незвычайны паліцэйскі ўчастак, адзіны ў Кітаі, які размешчаны ў яадуне — «пабудове-пячоры», высечанай на схіле ўзгорка, перадае «Жэньмінь жыбаа» анлайн».


У паліцэйскім яадуне плошчай 165 квадратных метраў ёсць абсталяваныя кабінет, сталовая і ванны пакой. Супрацоўнік аддзялення паліцыі Цынь Чжыган сказаў, што апошнім часам расце цікавасць да тураў у геапарк Ядань і на найбліжэйшае возера Лабнор, дзе аматары прыгод часта падвяргаюць сябе небяспецы і рызыцы — патрапіўшы ў незнаёмую мясцовасць, лёгка заблудзіцца, а часам у турыстаў ламаюцца аўтамабілі, і яны маюць патрэбу ў дапамозе.

Улетку тэмпература паверхні рэльефу ў парку Ядань дасягае 70 градусаў, а ўзімку — мінус 20. Паблізу няма месцаў, дзе можна было б спыніцца, таму згубіцца тут — значыць падвергнуць сваё жыццё небяспецы. «Гэта ўпадабанае месца сярод турыстаў. Тут адносна друзлы пясок, таму вандроўнікі часта губляюць тут свае рэчы», — сказаў Цынь Чжыган. Ён таксама заўважыў, што для таго, каб хутка вызначыць месцазнаходжанне чалавека, які просіць аб дапамозе, трэба быць добра знаёмым з гэтай мясцовасцю.

Нягледзячы на тое, што ўзімку турыстаў тут менш, усё роўна патрабуецца штодзённае патруляванне. Зімой у парку Ядань дзьмуць халодныя вятры, тэмпература паветра апускаецца, многія турысты, упершыню апынуўшыся тут, мерзнуць і могуць прабыць на адкрытым паветры крыху больш за 10 хвілін. Зімой Цынь Чжыган і яго калегі штодзень знаходзяцца ў патрулі па 5-6 гадзін, каб своечасова аказваць дапамогу падарожнікам.

Зараз «пячорны» паліцэйскі ўчастак вядомы сярод кітайскіх турыстаў, і многія ўносяць яго ў спіс месцаў абавязковых да наведвання. Акрамя гэтага, усё больш маладых паліцэйскіх цікавяцца магчымасцю працаўладкавацца тут.

Выбар рэдакцыі

Грамадства

Сёння распачынае работу УНС у новым статусе

Сёння распачынае работу УНС у новым статусе

Амаль тысяча дзвесце чалавек збяруцца, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.