Вы тут

Мужчынская каманда Беларусі па біятлоне ўзяла бронзу Усерасійскай спартакіяды ў эстафеце


У Залатавусце завяршыліся спаборніцтвы па біятлоне ў рамках II Усерасійскай спартакіяды наймацнейшых спартсменаў па зімовых відах спорту 2024 года, паведамляе БелТА.


Фота БелТА

Спаборніцкую праграму турніру ў біятланістаў закрывала мужчынская эстафета. На старт дыстанцыі выйшлі прадстаўнікі 14 каманд, беларускую чацвёрку склалі Павел Бялько, Іван Тулацін, Дзмітрый Лазоўскі і Антон Смольскі. Бялько, які адкрываў гонку ў нашым квартэце, выдаў годны старт, перадаўшы эстафету пятым з пройгрышам лідару ў 30 секунд. Іван Тулацін адразу прыўзняў каманду на пазіцыю вышэй, але штрафны круг на стральбе са становішча стоячы пасунуў беларусаў на шосты радок, а адставанне ад тройкі вырасла на паўтары хвіліны.

Гераічнае ўзыходжанне адбылося ў другой палове гонкі. Дзмітрый Лазоўскі, які бег на трэцім этапе, скараціў адставанне нашых хлопцаў ад медальнай пазіцыі да 25 секунд, а далей у гульню ўступіў Антон Смольскі. Лідар мужчынскай каманды даўжэй, чым звычайна, затрымаўся на лежні, выкарыстаўшы два дадатковыя патроны, але стойку адпрацаваў ідэальна і пайшоў на трасу чацвёртым. На апошнім крузе беларус апярэдзіў саперніка з Масквы і ў выніку прынёс нашаму квартэту бронзу. Перамогу ў гонцы атрымала каманда Ямала-Ненецкай аўтаномнай акругі, другімі сталі спартсмены Свярдлоўскай вобласці.

Напярэдадні наша жаночая каманда, за якую беглі Ганна Сола, Дар’я Кудаева, Дзінара Смольская і Ірына Лешчанка, таксама заняла ў эстафеце трэцяе месца. Выступленні біятланістаў падвялі рысу пад беларускім удзелам на спартакіядзе, усяго дэлегацыя нашай краіны заваявала на галоўным старце зімовага сезона 11 узнагарод (1-4-6).

Выбар рэдакцыі

Рэгіёны

Наперадзе — лета! Ці гатовыя тэрыторыі дзіцячага адпачынку прыняць гасцей?

Наперадзе — лета! Ці гатовыя тэрыторыі дзіцячага адпачынку прыняць гасцей?

Вучэбны год завяршаецца для 1,1 мільёна беларускіх школьнікаў, з іх 107,8 тысячы заканчваюць 9-я класы і 57,5 тысячы — 11-я.

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».