Вы тут

Адбылося пасяджэнне Саўміна аб выніках сацыяльна-эканамічнага развіцця за 2023 год


На пачатку нарады прэм’ер-міністр Беларусі Раман Галоўчанка агучыў статыстыку за студзень бягучага года. Так, валавы ўнутраны прадукт склаў 102,8%, добрыя тэмпы росту набраны ў прамысловасці — 105,4% і ў сельскай гаспадарцы — 104,3%, на 3,3% выраслі інвестыцыі ў асноўны капітал. Таксама захоўваецца высокі ўзровень спажывецкай актыўнасці насельніцтва: прырост рознічнага тавараабароту склаў амаль 10 працэнтаў пры ўзроўні інфляцыі 0,8 працэнта.


Фота: БелТА

Гаворачы аб развіцці эканомікі ў мінулым годзе, Раман Галоўчанка зазначыў, што, нягледзячы на ўсе выклікі, яно было ўстойлівым, захавалася макраэканамічная збалансаванасць. Станоўчае сальда знешняга гандлю склала $481 млн, паказчык ніжэйшы, чым у 2022 годзе, але на тое ёсць аб’ектыўныя прычыны. Ключавыя з іх — рэзкае зніжэнне экспартных цэн па шырокай наменклатуры тавараў больш як на 15% і рост інвестыцыйнага імпарту ў 1,6 раза з улікам рэалізацыі значнай колькасці інвестыцыйных праектаў у краіне.

Прэм’ер-міністр адзначыў, што за мінулы год у эканоміку прыцягнута $1,6 млрд прамых замежных інвестыцый на чыстай аснове. Агульны прырост у параўнанні з 2022 годам — 7,3 працэнта, і 75 працэнтаў ад гэтага аб’ёму прамых замежных інвестыцый укладзена ў рэальны сектар. Інфляцыя заставалася ў прагнозных параметрах: прырост спажывецкіх цэн у гадавым выражэнні склаў 105,8% пры прагнозе 107–108%. «Гэта адзін з самых нізкіх паказчыкаў інфляцыі сярод краін — удзельніц ЕАЭС», — падкрэсліў кіраўнік урада.

Тэмп росту ВУП склаў 103,9% пры заданні 103,8%. Найбольш высокія тэмпы прамысловай вытворчасці паказалі Мінпрам (112,6%), Мінсельгасхарч (105,9%), канцэрны «Белнафтахім» (108,9%) і «Белдзяржхарчпрам» (106,5%).

Таксама Раман Галоўчанка засяродзіў увагу на тым, што рэальныя, «ачышчаныя» ад уплыву інфляцыі, даходы насельніцтва ў 2023 годзе выраслі на 6,3% пры плане ў 104,1%. Такім чынам, па словах прэм’ер-міністра, удалося вырашыць найважнейшыя задачы, якія былі пастаўлены кіраўніком дзяржавы і прадугледжаны праграмай сацыяльна-эканамічнага развіцця краіны. На працягу года расла заработная плата: у рэальным выражэнні яна вырасла на 11% (прагноз — 104,6%), у намінале павялічылася на 16,7% і склала Br1902 па годзе, у тым ліку ў снежні — Br2271.

Як і раней, дзяржавай забяспечана падтрымка бюджэтнікаў і нізкааплатных катэгорый работнікаў: праз кропкавыя рашэнні ўстанаўліваліся дадатковыя выплаты настаўнікам, урачам, выхавацелям, а таксама работнікам спартыўнай галіны, сацыяльнага абслугоўвання і культуры. Кіраўнік урада адзначыў, што ў 2023 годзе на гэтыя мэты было накіравана больш за Br1 млрд. А ў рэальным сектары эканомікі ўдалося «падцягнуць» прадпрыемствы, зарплата ў якіх адставала ад сярэдняга паказчыка па галіне. Як паведаміў Раман Галоўчанка, больш за 85% арганізацый выйшлі на сярэднегаліновы ўзровень па заработнай плаце.

«Агульная выснова — эканоміка ў 2023 годзе, нягледзячы на ўсе выклікі і цяжкасці, спрацавала нядрэнна, паказала сваю ўстойлівасць нават у гэтых умовах», — падкрэсліў Раман Галоўчанка.

Паводле БелТА

Выбар рэдакцыі

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.