Вы тут

Беларусь і Зімбабвэ дамовіліся аб узаемнай падтрымцы на міжнародных пляцоўках


У Харарэ міністр замежных спраў Беларусі Сяргей Алейнік правёў сустрэчу з міністрам замежных спраў і міжнароднага гандлю Зімбабвэ Фрэдэрыкам Шавам. Аб гэтым паведамляе БелТА.


Фота МЗС

Міністры падрабязна разгледзелі ход імплементацыі дамоўленасцей, дасягнутых у ходзе дзяржаўнага візіту Прэзідэнта Беларусі Аляксандра Лукашэнкі ў Зімбабвэ, а таксама вынікі работы, праведзенай на працягу года профільнымі падгрупамі па палітычных, эканамічных і сацыяльных пытаннях.

На сустрэчы была звернута ўвага на значны прагрэс у двухбаковым гандлёва-эканамічным супрацоўніцтве, выхад на рэалізацыю сумесных прыкладных праектаў у галіне прамысловасці, сельскай гаспадаркі, аховы здароўя, адукацыі.

Беларусь і Зімбабвэ робяць асаблівы акцэнт на ўмацаванні кааперацыйнага ўзаемадзеяння, удзеле беларускіх экспарцёраў-вытворцаў у імплементацыі праграмы развіцця Зімбабвэ «Бачанне 2030».

Былі намечаны канкрэтныя захады па пашырэнні дагаворна-прававой базы двухбаковых адносін.

Адбыўся таксама абмен меркаваннямі па актуальных тэмах міжнароднага парадку дня, пытаннях глабальнай і рэгіянальнай бяспекі.

Было падкрэслена ўзаемнае імкненне да падтрымкі адзін аднаго на міжнародных пляцоўках, умацавання ўзаемадзеяння рэгіянальных інтэграцыйных аб’яднанняў, членамі якіх з’яўляюцца Беларусь і Зімбабвэ.

Сяргей Алейнік адзначыў гатоўнасць беларускага боку аказаць садзейнічанне ў пашырэнні сувязей Зімбабвэ ў рамках перспектыўнага рынку Еўразійскага эканамічнага саюза, а таксама зацікаўленасць у выкарыстанні пераваг старшынства Зімбабвэ ў Супольніцтве развіцця Поўдня Афрыкі.

Выбар рэдакцыі

Экалогія

Які інтарэс ў Беларусі ля Паўднёвага полюса

Які інтарэс ў Беларусі ля Паўднёвага полюса

Антарктыка, далёкая і блізкая.

Грамадства

Да купальнага сезона падрыхтуюць 459 пляжаў

Да купальнага сезона падрыхтуюць 459 пляжаў

Існуюць строгія патрабаванні да месцаў для купання.

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.