Вы тут

«Расія-Культура» пакажа дакументальны фільм пра Гагарына ў дзень яго нараджэння


У гэтыя выхадныя тэлеканал «Расія-Культура», як заўсёды, будзе радаваць прыемнымі прапановамі. Прапануем звярнуць увагу на дакументальны фільм з цыкла «Зорныя партрэты» і на старт праекта «Вялікі балет».


Апошні дасць магчымасць тэлегледачам прычыніцца да мастацтва вядучых тэатраў Расіі і труп з краін блізкага і далёкага замежжа. Так, сярод удзельнікаў — Марыінскі тэатр, Вялікі тэатр Расіі, Міхайлаўскі тэатр, Новасібірскі тэатр оперы і балета, Вялікі тэатр Беларусі (салісты трупы «Балет Лауры Алонса»), Вялікі тэатр оперы і балета Узбекістана. У першым выпуску праекта выступяць 16 удзельнікаў (шэсць дуэтаў і чатыры салісты). І ніхто з удзельнікаў не выбывае. Падчас знаёмства яны прадставяць увазе публікі і журы па-дэ-дэ і сольныя нумары, а таксама харэаграфічную мініяцюру на музыку Сяргея Рахманінава і фрагмент балета на музыку Фрэдэрыка Шапэна.

А вось дакументальны фільм «Юрый Гагарын. Зорны выбраннік» выйдзе ў дзень 90-годдзя сусветнавядомага касманаўта. Кінаработа пазнаёміць тэлеаўдыторыю са шляхам чалавека, якога лёс прывёў у космас. Штурвал самалёта апынуўся ў руках Юрыя яшчэ ў дзяцінстве — падчас вайны. 

А ў Саратаўскім індустрыяльным тэхнікуме яму даручылі зрабіць даклад пра Цыялкоўскага. Пасля гэтага ён прыняў канчатковае рашэнне стаць лётчыкам і паступіў у аэраклуб. Затым — атрад касманаўтаў і першы палёт у космас... Як усё тое адбывалася і фарміравала Юрыя Гагарына, раскажуць у кадры яго калегі, сябры і родзічы. Не прапусціце прэм’еры сёння на тэлеканале «Расія-Культура».

Алена ДРАПКО

Выбар рэдакцыі

Жыллё

Арэндная стаўка на здымнае жыллё працягвае зніжацца

Арэндная стаўка на здымнае жыллё працягвае зніжацца

Свежасць раёна, кватэры з новай планіроўкай — гэтыя фактары сёння маюць ключавое значэнне.

Адукацыя

У фокусе — прафесійная адукацыя

У фокусе — прафесійная адукацыя

Кіраўнікі адукацыйных ведамстваў упэўнены, што супрацоўніцтва ў сферы адукацыі з’яўляецца важным фактарам для ўстойлівага сацыяльна-эканамічнага развіцця дзвюх краін.

Грамадства

«Шэрая» зарплата — сумныя вынікі

«Шэрая» зарплата — сумныя вынікі

Што губляюць работнік і дзяржава?