Вы тут

Якіх вітамінаў не хапае вясной?


Чым падкарміць свой арганізм пасля доўгай зімы? У якіх прадуктах шукаць патрэбныя вітаміны?


Вітамін С: налягаем на квашаную капусту і замарожаныя ягады

Ён неабходны для імунітэту, сасудаў, падтрымання маладосці і пругкасці скуры. Зімой і ў пачатку вясны звычайна яго недастаткова ў харчаванні, таму што яшчэ няма сезоннай свежай агародніны і садавіны. А ў паўднёвых фруктаў — вітаміну С няшмат: звычайна імпартныя плады, якія да нас прывозяць, збіраюць, калі яны не дасягнулі спеласці, таму ўтрымліваюць мала «аскарбінкі». Плюс падчас захоўвання і транспарціроўкі яны яшчэ і вітамін С губляюць.

Таму часцей падаём у якасці салаты квашаную капусту замест свежых агуркоў і памідораў. Каб папоўніць сутачную патрэбнасць у вітаміне С, кожны дзень дастаткова з’ядаць 150-200 г квашанай капусты. У ёй прысутнічаюць і прабіятычныя кампаненты — харчовыя валокны, малочная кіслата. Усё гэта стварае спрыяльнае асяроддзе ў кішэчніку і дапамагае імунітэту.

Выдатная крыніца вітаміну С — замарожаныя ягады. Напрыклад, чырвоныя і чорныя парэчкі. 

Калі іх правільна размарожваць, то страты вітаміну С будуць мінімальныя. 

У 100 г свежых чорных парэчак тры сутачныя нормы вітаміну С. У размарожаных, прынамсі, адна застанецца дакладна.

Як захаваць вітаміны? Пасля таго як вы дасталі ягады з маразілкі, іх трэба пакласці ў халадзільнік, каб яны паступова размарозіліся. Або пакінуць пры пакаёвай тэмпературы на стале. Пасля гэтага іх можна дадаваць у тварог, ёгурт, ужываць у якасці дэсерту. Або гатаваць морс, але не кіпяціць, а толькі даводзіць да кіпення і настойваць.

Апроч вітамінаў, ягады багатыя на антыаксіданты. Гэта пігменты, якія надаюць ім колер. Антыаксіданты абараняюць нашы клеткі ад заўчаснага старэння.

Вітамін А: ядзім моркву і печань траскі

Пасля зімы арганізму вельмі патрэбныя тлушчарастваральныя вітаміны, у прыватнасці вітамін А. Ён дапамагае падтрымліваць стан скуры і імунітэту. 

Папярэднікаў вітаміну А, караціноідаў, шмат у моркве, гарбузе, балгарскім перцы.

Але адной агароднінай і пладамі сыты не будзеш. Таму купляем для ранішняга бутэрброда ці салаты на абед печань траскі ці іншых рыб. Вітаміну А ў 100 г печані траскі ў чатыры разы больш рэкамендаванай сутачнай нормы спажывання. Таму для карысці здароўю дастаткова 25 грамаў у дзень.

Вітаміны групы В: гатуем ялавічную печань

Яны дапамогуць і нервы супакоіць, і скуру аднавіць, і разумовую дзейнасць палепшыць. Больш за ўсё вітамінаў групы В у ялавічнай печані. Гэты прадукт — наогул вітамінная бомба, бо ўтрыманне некаторых вітамінаў групы В у ім дасягае 100% ад рэкамендаванай сутачнай нормы спажывання. А вітаміну В12 — некалькі сутачных нормаў на 100 г прадукта.

Алена КРАВЕЦ

Загаловак у газеце: Трайная карысць

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.