Вы тут

Надвор'е: Курс — на пацяпленне


Пачатак красавіка аказаўся даволі стракатым на надвор’е. Пасля анамальна цёплага пачатку тыдня, у аўторак сітуацыя пачала змяняцца. Адчувальна пахаладала, а ападкі зноў сталі ісці ў выглядзе мокрага снегу і дажджу. Але гэта пахаладанне будзе нядоўгім, ужо ў выхадныя надвор’е возьме курс на пацяпленне. Тэмпературны фон будзе павышацца, а ападкі стануць выпадаць у выглядзе дажджу, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


А ў пятніцу магчымы мокры снег і да плюс 16 градусаў. У гэты дзень надвор’е ў Беларусі будуць вызначаць атмасферныя франты, якія перамяшчаюцца з Заходняй Еўропы. Воблачна з праясненнямі. Ноччу па заходняй палове, днём на большай частцы тэрыторыі краіны пройдуць ападкі ў выглядзе дажджу, ноччу месцамі магчымы мокры снег. Ноччу і раніцай на асобных участках дарог галалёдзіца. Вецер паўднёвы, паўднёва-заходні ўмераны. Тэмпература паветра ўначы ад мінус 3 градусаў да плюс 3, па захадзе Беларусі — 4–8 цяпла. Днём будзе значна цяплей, ад 8 да 13 градусаў са знакам плюс, па паўднёвым захадзе краіны — да 16 цяпла. Атмасферны ціск будзе слаба падаць.

Начныя замаразкі спыняцца ўжо ў суботу. У гэты дзень умовы надвор’я ў асноўным будуць вызначаць атмасферныя франты, якія ссоўваюцца з боку Заходняй Еўропы. Воблачна з праясненнямі. На большай частцы тэрыторыі краіны чакаюцца дажджы. Удзень у асобных раёнах магчымыя навальніцы. Ноччу і раніцай месцамі слабы туман. Вецер заходняй чвэрці ўмераны, удзень парывісты. Тэмпература паветра ўначы 2–9 цяпла, а максімальная днём — плюс 10–17, у паўднёвых раёнах 18–19 градусаў.

Сапраўднае цяпло прыйдзе да нас у нядзелю. Усё таму, што краіна апынецца ў вобласці павышанага атмасфернага ціску, пры гэтым у дзённыя гадзіны пачне распаўсюджвацца цёплая паветраная маса з паўднёвага захаду Еўропы. Воблачна з праясненнямі. Пераважна без ападкаў. Ноччу і раніцай у асобных раёнах слабы туман. Вецер ноччу паўночна-заходні, днём няўстойлівы ўмераны. Тэмпература паветра ўначы ўсталюецца ў межах 2–8 цяпла, а максімальная днём складзе ад 13 градусаў па паўночным усходзе да 23 цяпла па паўднёвым захадзе краіны.

Згодна з папярэднімі прагнозамі айчынных сіноптыкаў, у панядзелак пераважна без ападкаў. Ноччу і раніцай у асобных раёнах магчымы слабы туман. Тэмпература паветра ўначы складзе ад плюс 6 да плюс 12 градусаў, удзень — 17–24 цяпла.

У аўторак і сераду таксама будзе без ападкаў, толькі днём 9 красавіка месцамі па поўначы магчымыя кароткачасовыя дажджы. Ноччу і раніцай у асобных раёнах слабы туман. Тэмпература паветра ў гэтыя ночы будзе 7–14 градусаў, удзень — 18–25 цяпла.

Сяргей КУРКАЧ

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?