Вы тут

Арт-праект «TECHNOLOGIES» Андрэя Вярэніча у мастацкай галерэі «МАСТАЦТВА»


9 красавіка ў мастацкай галерэі «МАСТАЦТВА» адбылося адкрыццё арт-праекта «TECHNOLOGIES» Андрэя Вярэніча.
У цырымоніі адкрыцця прынялі ўдзел: дэкан архітэктурнага факультэта Беларускага нацыянальнага тэхнічнага ўніверсітэта доктар архітэктуры, прафесар Армэн Сардараў, загадчыца кафедры «Дызайн архітэктурнага асяроддзя» архітэктурнага факультэта БНТУ дацэнт архітэктуры, інжынер-даследчык Ганна Літвінава, жонка Андрэя Вярэніча — мастака Марына Вярэніч
.


Прыярытэтам у творчасці мастака і дызайнера Андрэя Вярэніча з’яўляецца авангарднае мастацтва, якое вырасла з сінтэзу мастацкіх пошукаў у мастацтве пачатку ХХ стагоддзя, з віцебскага перыяду міжнароднага абстрактна канцэптуальнага мастацтва і асобасных творчых пошукаў. У сваёй творчасці Андрэй Вярэніч прыўнёс тэхналізацыю пабудовы выявы ў структуру абстрактнай графікі.

Андрэй Вярэніч падкрэслівае, што яго арт-праект уяўляе сабой вынік сімбіёзу сучасных лічбавых тэхналогій і абстрактнага мастацтва ў яго тэхнамедытатыўнай праяве (медытацыі на штучнае асяроддзе). Мастак прынцыпова выкарыстоўвае чорна-белую гаму, ствараючы тым самым рытуалы: больш абстрактныя і менш абстрактныя.

— У маіх працах спалучаюцца рысы мінімалізму, поп-арта, сублімацыі. Мяне вабіць філасофія формы мастацкай выявы. Працы не маюць назвы, і я гэта раблю свядома, пакідаючы свае карціны сам-насам з гледачамі і не навязваючы ім свайго меркавання. — распавёў чытачам партала Выдавецкага дома «Звязда» Андрэй Вярэніч. — Канцэпцыя маёй творчасці: пошук балансу свету чалавека і свету тэхналогій. Адсюль і назва праекта — «TECHNOLOGIES». У гэтай галерэі выстаўляюся ўпершыню, але за маімі плячыма больш за сто персанальных і сумесных выставак.

Выстава працягнецца да 20 красавіка.

Муж і жонка мастакі Марына і Андрэй Вярэнічы

Віктар ІВАНЧЫКАЎ

Фота аўтара

Выбар рэдакцыі

Грамадства

«Шэрая» зарплата — сумныя вынікі

«Шэрая» зарплата — сумныя вынікі

Што губляюць работнік і дзяржава?

Рэгіёны

Наперадзе — лета! Ці гатовыя тэрыторыі дзіцячага адпачынку прыняць гасцей?

Наперадзе — лета! Ці гатовыя тэрыторыі дзіцячага адпачынку прыняць гасцей?

Вучэбны год завяршаецца для 1,1 мільёна беларускіх школьнікаў, з іх 107,8 тысячы заканчваюць 9-я класы і 57,5 тысячы — 11-я.

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.