Вы тут

Заўтра будзе адзначацца Сусветны дзень авіяцыі і касманаўтыкі


Заўтра будзе адзначацца Сусветны дзень авіяцыі і касманаўтыкі. З гэтай нагоды ў тэлеэфіры з`явяцца тэматычныя выпускі любімых праграм, а таксама дакументальныя кінастужкі з фондаў Белтэлерадыёкампаніі.


Сёлета ўвага беларусаў да тэмы вывучэння космасу асабліва вялікая. Зусім нядаўна ў складзе экіпажа карабля «Саюз МС-24» з Міжнароднай касмічнай станцыі вярнулася першая жанчына-касманаўт суверэннай Беларусі Марына Васілеўская. Гэтай гістарычнай падзеі і ў святочны дзень аддавалі максімум увагі. Таксама заўтра ўвечары сацыякультурны тэлеканал звернецца да фондаў Белтэлерадыёкампаніі і прадэманструе тэматычныя дакументальныя фільмы. Так, у 22.55 пакажуць кінастужку «Адной зоркі я паўтараю імя...» рэжысёра Уладзіміра Бокуна, якая была знята ў 1981 годзе. Кінапраца распавядае пра ўраджэнца Брэсцкай вобласці, двойчы Героя Савецкага Саюза, лётчыка-касманаўта СССР Пятра Клімука.

А працягне тэматычны кінапаказ дакументальны фільм «Зямное прыцягненне Івана Міско» (рэжысёр Сяргей Кацьер, 2023 г.). У ім гледачы сустрэнуцца з лаўрэатам прэміі Саюзнай дзяржавы, народным мастаком Беларусі Іванам Міско, які стварыў цэлую галерэю скульптурных партрэтаў ледзь не ўсіх касманаўтаў былога СССР. Сярод яго герояў і ўраджэнцы нашай краіны Уладзімір Кавалёнак, Пётр Клімук і Алег Навіцкі. У фільме скульптар раскажа пра свой шлях у творчасці, пакажа сваю майстэрню, а таксама са здымачнай групай пабывае на малой Радзіме і там падзеліцца запаветнымі ўспамінамі. А самых юных тэлегледачоў у праграме «Калыханка» чакае паказ мультфільма на касмічную тэму.

Алена ДРАПКО

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.