Вы тут

На кітайскім маркетплэйсе прадаюць кветкі з касмічнага насення


На кітайскім маркетплэйсе Taobao праходзяць першыя ў Кітаі маштабныя продажы кветак, атрыманых у выніку касмічнай селекцыі, — першай партыі насення новага сорту лілеі карлікавай «Яньдань-1», а таксама ружы кітайскай і гваздзікі садовай, перадае «Жэньмінь жыбаа» анлайн».


Вядома, што насенне «Яньдань-1» было атрымана на пілатуемым касмічным караблі «Шэньчжоў-11». Кветкі, вырашчаныя з гэтага насення, адрозніваюцца ўстойлівасцю да высокіх і нізкіх тэмператур, яны ўстойлівыя да пераўвільгатнення і засухаўстойлівыя. Ім не страшная як 40-градусная спякота, так і 30-градусныя маразы, іх можна вырошчваць як у кіслай, так і шчолачнай глебе. Можна сказаць, што насенне «Яньдань-1» — найбольш прыдатны выбар для пачаткоўцаў кветкаводаў.

Па словах Чжан Чуаньцзюня, дырэктара Цэнтра касмічнай селекцыі Новай аэракасмічнай лабараторыі зорнага неба і старшага інжынера касмічнай селекцыі, насенне кветак, якія пабылі ў космасе, падвяргаюцца ўздзеянню касмічных умоў, у тым ліку касмічнай радыяцыі, высокага вакууму і мікрагравітацыі. Кветкі з такога насення больш пышныя і яркія, перыяд іх цвіцення даўжэйшы, чым у звычайных кветак.

Кітай займаецца касмічнай селекцыяй ужо 37 гадоў. Пасля таго як насенне вяртаецца на Зямлю, яго вырошчваюць у лабараторыі. Каб сфарміраваць стабільныя новыя сарты і вывесці іх на рынак, расліны павінны прайсці некалькі цыклаў развіцця. У перспектыве на кітайскі маркетплейс Taobao плануецца вывесці яшчэ больш новых сартоў касмічных кветак.

Выбар рэдакцыі

Грамадства

Захаваць. Нельга знесці

Захаваць. Нельга знесці

Знакі прыпынку нарэшце расстаўлены.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.