Вы тут

Надвор'е: Мокры снег — гэта ўжо занадта


На гэтым тыдні мы адзначалі сярэдзіну вясны. Пры гэтым калі першая палова месяца была па-летняму цёплай і па тэмпературным рэжыме на 6-7 градусаў вышэй за кліматычную норму, то ў найбліжэйшы час красавік зменіць уяўленне пра сябе. Далей ініцыятыва ў надвор’і будзе належаць цыклонам і іх атмасферным франтам, якія абумовяць у Беларусі няўстойлівае надвор’е.


Фота з адкрытых крыніц

Разам з тым у краіну прадоўжыць паступаць халодная паветраная маса. Таму тэмпературны фон будзе паніжацца, а дапаўненнем да яго стануць ападкі рознай інтэнсіўнасці ў выглядзе дажджу, у асобныя дні з мокрым снегам і парывістым ветрам, расказалі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Ужо ў аўторак ўначы месцамі па захадзе, раніцай і днём у многіх раёнах краіны пройдуць дажджы. Удзень на захадзе месцамі ўзмацненне ветру парывамі 15–18 м/с. Тэмпература паветра ўначы складзе мінус 1 — плюс 5 градусаў, удзень — плюс 9–14 градусаў, а на поўдні краіны — да плюс 16 градусаў.

Надвор’е пачне псавацца ўжо ў сераду. У гэты дзень месцамі па краіне чакаюцца кароткачасовыя ападкі ў выглядзе дажджу і мокрага снегу. Ноччу і раніцай у асобных раёнах слабыя туман і галалёд. Тэмпература паветра ўначы будзе вагацца ад мінус 1 да плюс 6 градусаў, а ўдзень — ад плюс 7 градусаў на паўночным захадзе да 15 градусаў на паўднёвым усходзе краіны.

Паводле інфармацыі сіноптыкаў, днём у чацвер месцамі па паўднёвым усходзе, а ў ноч на пятніцу ва ўсходніх раёнах ападкі будуць дастаткова моцнымі.

У чацвер раніцай і днём на большай частцы тэрыторыі краіны прагназуюцца ападкі (у асноўным дождж). Днём месцамі па паўднёвым усходзе пройдуць моцныя дажджы. Уначы слупкі тэрмометраў пакажуць мінус 1 — плюс 6 градусаў, а ўдзень — 6–11 цяпла.

У пятніцу зноў да нас вернуцца халодныя ападкі ў выглядзе мокрага снегу і дажджу. Яны будуць назірацца на большай частцы тэрыторыі краіны, а ўначы па ўсходзе месцамі ападкі будуць моцныя. Ноччу і раніцай на асобных участках дарог — галалёдзіца. Месцамі ўзмацненне ветру парывамі да 15–20 м/с. Тэмпература паветра ўначы дасягне мінус 1 — плюс 6 градусаў, удзень — плюс 5–11 градусаў, а на паўночным усходзе месцамі — толькі 2–4 цяпла.

Згодна з доўгатэрміновым прагнозам айчынных спецыялістаў, у суботу месцамі па краіне чакаюцца кароткачасовыя ападкі ў выглядзе дажджу і мокрага снегу. Ноччу і раніцай на асобных участках дарог галалёдзіца. Тэмпература паветра ўначы будзе ў межах ад мінус 3 да плюс 3 градусаў, а ўдзень — ад 6 да 13 цяпла. Будзе холадна і ў нядзелю, калі ноччу месцамі, а днём на большай частцы тэрыторыі прагназуюцца кароткачасовыя ападкі, у асноўным дождж. У начныя і ранішнія гадзіны ў асобных раёнах слабыя туман і галалёд. Ноччу сіноптыкі абяцаюць мінус 2 — плюс 5 градусаў, па паўднёвым усходзе — да плюс 7 градусаў, а днём — да 8–15 цяпла.

Сяргей КУРКАЧ

Выбар рэдакцыі

Рэгіёны

Што абмяркоўвалі на нарадзе органаў мясцовага самакіравання Брэстчыны ў Пінскім раёне?

Што абмяркоўвалі на нарадзе органаў мясцовага самакіравання Брэстчыны ў Пінскім раёне?

Добраўпарадкаванне населеных пунктаў і навядзенне парадку на зямлі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.