Вы тут

Якія меры бяспекі працы трэба выконваць падчас суботніка


Традыцыйна падчас суботніка беларусы зоймуцца добраўпарадкаваннем працоўных месцаў, аб’ектаў і тэрыторый населеных пунктаў, гісторыка-культурных каштоўнасцяў, мемарыяльных комплексаў, месцаў баявой і воінскай славы часоў Вялікай Айчыннай вайны.


Наймальнік павінен улічваць, што, калі падчас суботніка работнікі будуць працаваць на сваім працоўным месцы, забеспячэнне здаровых і бяспечных умоў працы павінна ажыццяўляцца ў звычайным рэжыме. У іншым выпадку з імі павінен праводзіцца мэтавы інструктаж па ахове працы згодна з відам работ, якія будуць выконвацца.

«Пры выкананні работ па добраўпарадкаванні на тэрыторыі сваёй арганізацыі інструктаж па ахове працы праводзіцца непасрэдным кіраўніком работ наймальніка. Пры выкананні работ на тэрыторыі іншай арганізацыі — непасрэдным кіраўніком работ або спецыялістам арганізацыі, на тэрыторыі якой яны будуць праводзіцца», — адзначылі ў міністэрстве.

Пры правядзенні мэтавага інструктажу павінна быць праведзена апытанне работнікаў аб стане здароўя. Нельга дапускаць работнікаў у выпадку пагаршэння іх самаадчування, звязанага з прастуднымі захворваннямі, ці ў хворым стане. А таксама нельга дапускаць да работы асоб у стане алкагольнага або наркатычнага ап’янення, работнікаў, якія не маюць адпаведнай падрыхтоўкі, да выканання работ з павышанай небяспекай, работнікаў, якія не забяспечаны сродкамі індывідуальнай абароны.

Наймальнік павінен забяспечыць выкананне норм пад’ёму і перамяшчэння цяжараў уручную жанчынамі, якія прымаюць удзел у суботніку, — не больш за 7 кг. А таксама прыняць меры, якія выключаюць магчымасць наезду тэхнікі і траўміравання рухомымі часткамі машын і механізмаў.

Мінпрацы таксама звярнула ўвагу, што работнікі, якія ўдзельнічаюць у суботніку, павінны быць забяспечаны неабходным інструментам, інвентаром, сродкамі індывідуальнай абароны (пальчаткамі або рукавіцамі, пры рабоце на праезнай частцы — камізэлькамі сігнальнымі, пры рабоце на будаўнічым аб’екце — ахоўнымі каскамі).

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?