Вы тут

Амбразевіч: Беларусь была, ёсць і застаецца прыхільнікам кантролю над узбраеннямі


Беларусь была, ёсць і застаецца прыхільнікам кантролю над узбраеннямі, заявіў намеснік міністра замежных спраў Юрый Амбразевіч, перадае БелТА.


«Беларусь была, ёсць і застаецца прыхільнікам кантролю над узбраеннямі і, адпаведна, адданая мерам даверу і транспарэнтнасці», — адзначыў намеснік міністра.

Дэпутаты на пасяджэнні першай сесіі Палаты прадстаўнікоў Нацыянальнага сходу Беларусі восьмага склікання прынялі законапраект «Аб прыпыненні дзеяння Дагавора аб звычайных узброеных сілах у Еўропе». Законапраект у Авальнай зале прадставіў Юрый Амбразевіч.

«Праект закона Рэспублікі Беларусь „Аб прыпыненні дзеяння Дагавора аб звычайных узброеных сілах у Еўропе“ распрацаваны па ініцыятыве Міністэрства замежных спраў. Законапраект узгоднены Дзяржаўным сакратарыятам Савета бяспекі, Міністэрствам абароны, Міністэрствам фінансаў і Міністэрствам юстыцыі, разгледжаны ў Савеце Міністраў. Кіраўнік дзяржавы ўзгадніў унясенне гэтага. законапраекта ў Палату прадстаўнікоў», — распавёў Юрый Амбразевіч.

ДЗУСЕ прадугледжвае абмежаванне сумарных узроўняў звычайных узбраенняў і тэхнікі па пяці асноўных катэгорыях: танкі, баявыя браніраваныя машыны, артылерыя, ударныя верталёты і баявыя самалёты, а таксама механізмы праверкі выканання абавязацельстваў, абмен інфармацыяй і інспекцыйная дзейнасць. «Дагавор з’яўляўся адным з ключавых пагадненняў у сферы кантролю над звычайнымі ўзбраеннямі ў Еўропе і краевугольным каменем еўрапейскай бяспекі. Ён адыграў знакавую ролю ў зніжэнні ваеннай канфрантацыі і стварэнні новай архітэктуры бяспекі на еўрапейскім кантыненце ў перыяд пасля заканчэння халоднай вайны за кошт беспрэцэдэнтных скарачэнняў узбраенняў, тэхнікі і асабовага складу, — адзначыў намеснік міністра. — Беларусь добрасумленна і ў поўным аб’ёме выконвала абавязацельствы па ДЗУСЕ. Пасля ўступлення дагавора ў сілу намі знішчана больш як 3 тыс. адзінак звычайных узбраенняў і тэхнікі — гэта быў наш важкі ўклад ва ўмацаванне агульнаеўрапейскай бяспекі і працэс раззбраення».

«7 лістапада 2023 года Паўночнаатлантычны савет НАТА заявіў аб намеры дзяржаў альянсу, якія ўдзельнічаюць у ДЗУСЕ, прыпыніць дзеянне дадзенага дагавора. На дадзены момант дзеянне ДЗУСЕ прыпыніла 21 дзяржава з 22 краін-членаў НАТА, а таксама Грузія і Малдова. Прыпыненне дзеяння ДЗУСЕ дзяржавамі НАТА і іх саюзнікамі азначае і спыненне дэ-факта функцыянавання дагавора, — дапоўніў Юрый Амбразевіч. — У мэтах забеспячэння нацыянальнай бяспекі і ў якасці меры ў адказ на рашэнне краін-членаў НАТА кіраўніком дзяржавы была падтрымана прапанова аб прыпыненні Рэспублікай Беларусь дзеяння Дагавора аб звычайных узброеных сілах у Еўропе. У практычным плане гэта азначае прыпыненне прадастаўлення іншым удзельнікам дагавора інфармацыі аб звычайных узбраеннях і тэхніцы, прыёму і правядзення інспекцый у мэтах кантролю за выкананнем колькасных абмежаванняў у адносінах да звычайных узбраенняў і тэхнікі, устаноўленых палажэннямі дакумента. Мы таксама не будзем абавязаны прытрымлівацца названых колькасных абмежаванняў».

Прэв’ю: БелТА

Выбар рэдакцыі

Рэлігія

200 гадоў пад заступніцтвам Пятра і Паўла

200 гадоў пад заступніцтвам Пятра і Паўла

Гомельскі кафедральны Свята-Петра-Паўласкі сабор — адзін з самых велічных праваслаўных храмаў Беларусі, адзін з нямногіх помнікаў архітэктуры зрэлага класіцызму, які захаваўся да нашых дзён.

Здароўе

Як мыць садавіну, гародніну і зеляніну, каб не атруціцца?

Як мыць садавіну, гародніну і зеляніну, каб не атруціцца?

«Апрацоўваць гародніну і садавіну сродкам для мыцця посуду нельга».

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».