Вы тут

Галоўчанка: Склад удзельнікаў УНС поўнасцю сфарміраваны


Да гэтага часу поўнасцю сфарміраваны склад удзельнікаў УНС, дэлегатамі будуць 1162 чалавека. Аб гэтым паведаміў прэм’ер-міністр Раман Галоўчанка на нарадзе ў Прэзідэнта Беларусі Аляксандра Лукашэнкі па пытаннях падрыхтоўкі правядзення першага пасяджэння сёмага Усебеларускага народнага сходу, перадае БелТА.


Фота БелТА

Аргкамітэт па падрыхтоўцы пасяджэння УНС, паводле слоў прэм’ер-міністра, шчыльна працаваў, і ўсе даручэнні, дадзеныя кіраўніком дзяржавы ў сувязі з гэтым маштабным мерапрыемствам, выконваюцца службовымі асобамі вычарпальна і своечасова.

«На гэты момант поўнасцю сфарміраваны склад удзельнікаў УНС. Дэталёва адпрацаваны пытанні іх транспарціроўкі, размяшчэння, харчавання, забеспячэння бяспекі, — сказаў Раман Галоўчанка. — Усяго на гэты момант 1162 дэлегаты, у іх ліку па пасадзе 412 чалавек, шляхам выбрання — 750 чалавек, у тым ліку 402 мужчын і 348 жанчын».

Ад мясцовых саветаў дэпутатаў для ўдзелу ў УНС дэлегаваны 350 чалавек, ад грамадзянскай супольнасці — 400. «Усе працэдуры абрання дэлегатаў праведзены ў поўнай адпаведнасці з законам», — падкрэсліў прэм’ер-міністр.

Што датычыцца запрошаных асоб, якія не з’яўляюцца дэлегатамі, але прымаюць удзел у УНС, — іх 715 чалавек, у тым ліку 68 заслужаных прадстаўнікоў беларускага грамадства і 7 рэгіянальных дэлегацый, у кожную з якіх уваходзяць 68 чалавек, уключаючы прадстаўнікоў рэгіянальных СМІ, сферы аховы здароўя, адукацыі, сілавога блока, прадпрыемстваў, а таксама былыя кіраўнікі рэгіёнаў і ганаровыя грамадзяне адміністрацыйна-тэрытарыяльных адзінак. На УНС запланавана прысутнасць 31 замежнага грамадзяніна. Гэта прадстаўнікі міждзяржаўных інтэграцыйных аб’яднанняў і замежныя дыпламаты.

Галоўчанка расказаў, каго запросяць на першае пасяджэнне VII УНС у якасці гасцей

«На сённяшні дзень практычна ўсё гатова, арганізацыйныя і тэхнічныя пытанні вырашаны, дэлегаты з’езда вызначаны, і сталіца рыхтуецца прыняць гэта найважнейшае для нашай краіны палітычнае мерапрыемства, — сказаў Раман Галоўчанка. — Запрошаных людзей, дарэчы, будзе нямала — каля 700 чалавек. І зроблена гэта для таго, каб дэлегацыі рэгіёнаў змаглі на свае вочы ўбачыць, што будзе адбывацца ў гэтыя дні, і потым аб гэтым данесці да жыхароў сваіх абласцей і гарадоў».

Акрамя таго, на пасяджэнне запрошаны замежныя госці: кіраўнікі міждзяржаўных аб’яднанняў і паслы замежных краін. «Прадстаўнікі Захаду... Пасольствы ёсць, захочуць прыйсці — прыйдуць. А спецыяльна кагосьці запрашаць мы не бачым сэнсу, — падкрэсліў прэм’ер-міністр. — Мерапрыемства гэта ў першую чаргу для беларускага народа. Таму ўпор мы рабілі на гэта».

Выбар рэдакцыі

Грамадства

«Шэрая» зарплата — сумныя вынікі

«Шэрая» зарплата — сумныя вынікі

Што губляюць работнік і дзяржава?

Рэгіёны

Наперадзе — лета! Ці гатовыя тэрыторыі дзіцячага адпачынку прыняць гасцей?

Наперадзе — лета! Ці гатовыя тэрыторыі дзіцячага адпачынку прыняць гасцей?

Вучэбны год завяршаецца для 1,1 мільёна беларускіх школьнікаў, з іх 107,8 тысячы заканчваюць 9-я класы і 57,5 тысячы — 11-я.

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.