Вы тут

Мінадукацыі скарэктавала тэрміны ўступнай кампаніі ў ССНУ


Міністэрства адукацыі скарэктавала тэрміны правядзення ўступнай кампаніі для атрымання сярэдняй спецыяльнай адукацыі. Гэта прадугледжана пастановай міністэрства нумар 37 ад 2 красавіка 2024 года, якая апублікавана на Нацыянальным прававым інтэрнет-партале.


Фота БелТА

Дакумент уносіць змяненні ў пастанову Міністэрства адукацыі нумар 149 ад 4 мая 2023 года «Аб тэрмінах правядзення ўступнай кампаніі для атрымання сярэдняй спецыяльнай адукацыі».

Як растлумачыў кансультант упраўлення прафесійна-тэхнічнай і сярэдняй спецыяльнай адукацыі галоўнага ўпраўлення прафесійнай адукацыі Міністэрства адукацыі Аляксандр Талатай, карэкціроўка абумоўлена рэалізацыяй права грамадзян на атрыманне сярэдняй спецыяльнай адукацыі з улікам тэрмінаў прыёму абітурыентаў для атрымання вышэйшай адукацыі ў 2024 годзе.

Такім чынам, уступная кампанія ў ССНУ пройдзе з 20 ліпеня па 15 жніўня.

Прымаць дакументы на аснове агульнай базавай адукацыі для навучання за кошт сродкаў бюджэту будуць з 20 ліпеня па 3 жніўня, а на платнай аснове — з 20 ліпеня па 13 жніўня (ад абітурыентаў, якія будуць здаваць уступныя іспыты па спецыяльнасці, — па 3 жніўня).

Уступныя іспыты пройдуць з 4 па 8 жніўня. Залічэнне на бюджэт — па 6 жніўня, па выніках уступных іспытаў — па 10 жніўня. Што да платнай формы, залічэнне, у тым ліку абітурыентаў, якія здалі неабходныя ўступныя іспыты, атрымалі даведку аб выніках здачы ўступных іспытаў у ВНУ, ССНУ і не залічаных ва ўстаноўлены тэрмін, будзе праходзіць па 15 жніўня.

Дакументы на аснове агульнай сярэдняй адукацыі (прафесійна-тэхнічнай з агульнай сярэдняй адукацыяй) на бюджэт будуць прымаць з 20 ліпеня па 6 жніўня, на платнай аснове — з 20 ліпеня па 13 жніўня (ад абітурыентаў, якія будуць здаваць уступныя іспыты па спецыяльнасці, — па 6 жніўня).

Для такіх абітурыентаў уступныя іспыты пройдуць з 7 па 9 жніўня, залічэнне на бюджэт — па 8 жніўня, па выніках уступных іспытаў — па 11 жніўня. Што да платнай асновы, абітурыентаў, у тым ліку тых, хто здаў уступныя іспыты, атрымалі даведку аб выніках здачы ўступных іспытаў у ВНУ, ССНУ і не залічаны ва ўстаноўлены тэрмін, залічаць па 15 жніўня.

Прыём у ходзе дадатковага набору на месцы, вызначаныя кантрольнымі лічбамі прыёму, якія засталіся вакантнымі пасля залічэння абітурыентаў, на бюджэт на вочную (дзённую) форму на аснове агульнай базавай адукацыі будзе праходзіць па 11 жніўня, залічэнне — 12 жніўня.

Прымаць дакументы на вочную (дзённую, вячэрнюю), дыстанцыйную і завочную формы на аснове агульнай сярэдняй адукацыі, прафесійна-тэхнічнай адукацыі з агульнай сярэдняй адукацыяй будуць па 12 жніўня, залічваць — 13 жніўня. Гэтыя тэрміны не датычацца прыёму на вочную (вячэрнюю), завочную формы атрымання сярэдняй спецыяльнай адукацыі па спецыяльнасцях напрамкаў адукацыі «Сельская гаспадарка», «Ветэрынарыя».

Дакументы ад жадаючых атрымаць сярэднюю спецыяльную адукацыю ў вочнай (вячэрняй) або завочнай форме за кошт сродкаў бюджэту або на платнай аснове па спецыяльнасцях сельскай гаспадаркі будуць прымаць з 15 кастрычніка па 30 лістапада, залічэнне пройдзе па 10 снежня. Падчас дадатковага набору будуць прымаць дакументы па 11 снежня, залічэнне пройдзе па 12 снежня.

Асобна агавораны тэрміны прыёму дакументаў ад замежных грамадзян і асоб без грамадзянства, якія паступаюць у ССНУ. На бюджэт ці платнае ў адпаведнасці з міжнароднымі дамовамі Беларусі дакументы будуць прымаць па 3 жніўня. Для навучання на платнай аснове па выніках выніковай атэстацыі пры асваенні зместу адукацыйнай праграмы падрыхтоўкі асоб да паступлення ва ўстановы адукацыі Беларусі — па 3 жніўня; на платнай аснове па выніках гутаркі ва ўстанове адукацыі, якая ўстанаўлівае ўзровень валодання імі мовай, на якой ажыццяўляецца адукацыйны працэс, — па 15 кастрычніка.

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?