Вы тут

Ігар Сергеенка прыняў удзел у пасяджэнні Браслаўскага райвыканкама


На пасяджэнні былі разгледжаны пытанні аб выніках сацыяльна-эканамічнага развіцця Браслаўскага раёна за 2023 год, першы квартал бягучага года і задачах на 2024 год. 


Фота БелТА

Кажучы аб руху Браслаўшчыны за мінулы год, спікер ніжняй палаты парламента апісаў яго так: крок наперад — крок назад. «Па адных напрамках вы прасунуліся, па іншых аселі, — патлумачыў ён. — Але хацеў бы заўважыць, што першыя тры месяцы ўсяляюць упэўненасць у паступальным развіцці ў гэтым годзе». 

У той жа час Ігар Сергеенка падкрэсліў, што не павінна атрымацца так, што пачатак года з’яўляецца абнадзейваючым, а ў канцы даводзіцца канстатаваць зусім іншы вынік. «Пачатак года ўсяляе пэўную ўпэўненасць і па развіцці жывёлагадоўчай галіны, і па будаўніцтве, — канкрэтызаваў спікер. — Вядома, ад развіцця эканомікі залежыць у цэлым дабрабыт раёна. Але ў цэлым пачатак года пакуль аптымістычны».

Падчас пасяджэння размова таксама ішла і аб пунктах росту, сярод якіх у тым ліку інвестыцыі. «Фактычна раёнам не выконваецца задача „адзін раён — адзін праект“, пастаўленая кіраўніком дзяржавы, дакладней сказаць, не адпавядае патрабаванням», — канстатаваў Старшыня Палаты прадстаўнікоў. 

Акрамя таго, Ігар Сергеенка звярнуў увагу і на неабходнасць развіцця сферы турызму і прадпрымальніцтва. «Мы ўсе ведаем, што Браслаўшчына — гэта жамчужына Беларусі, беларускае Паазер’е, — падкрэсліў ён. — У гэтым напрамку трэба рухацца. Развіваць сферу прадпрымальніцтва. Сёння гучала, што 40 % адлічэнняў у бюджэт ажыццяўляецца індывідуальнымі прадпрымальнікамі. Таму ёсць перспектывы. Ёсць цікавасць, пакуль тэарэтычная, з боку. інвестараў, у тым ліку расійскіх». 

Па словах Старшыні Палаты прадстаўнікоў, турызм у Браслаўскім раёне павінен стаць усесезонным. «Сёння ў нас што адбываецца? Улетку — бум, а зімой — фактычна штыль», — апісаў бягучыю сітуацыю ў турыстычнай сферы Браслаўшчыны Ігар Сергеенка.

Для развіцця ўсесезоннага турызму, па меркаванні спікера, неабходна ствараць адпаведныя ўмовы і будаваць новыя аб’екты. «А для таго, каб іх будаваць, трэба зарабіць дапамогу дзяржавы, зарабіць самім і прыцягнуць інвестараў, — заўважыў ён. — Ёсць некалькі аб’ектаў, якія сёння будуюцца, але гэтага недастаткова. Патэнцыял раёна значна вышэйшы — я маю на ўвазе прыродны». 

Паводле БелТА

Выбар рэдакцыі

Рэгіёны

Наперадзе — лета! Ці гатовыя тэрыторыі дзіцячага адпачынку прыняць гасцей?

Наперадзе — лета! Ці гатовыя тэрыторыі дзіцячага адпачынку прыняць гасцей?

Вучэбны год завяршаецца для 1,1 мільёна беларускіх школьнікаў, з іх 107,8 тысячы заканчваюць 9-я класы і 57,5 тысячы — 11-я.

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».