Вы тут

Як беларусы будуць працаваць і адпачываць у маі


У Міністэрстве працы і сацыяльнай абароны расказалі, як беларусы будуць працаваць і адпачываць у маі, паведамляе БелТА.


Фота: БелТА

На май выпадае тры святочныя дні: Свята працы (1 мая), Дзень Перамогі (9 мая) і Радаўніца (14 мая). Гэтыя даты ў нашай краіне прызнаны афіцыйнымі выходнымі.

«У адпаведнасці з вытворчым календаром у беларусаў у маі пры шасцідзённым рабочым тыдні будзе 24 рабочыя дні, у тым ліку два перадсвяточныя, пры пяцідзённым — 20 рабочых, у тым ліку два перадсвяточныя», — адзначылі ў ведамстве.

Так, выходнымі днямі пры пяцідзённым працоўным тыдні з’яўляюцца: 1, 4, 5, 9, 11-14, 19, 25, 26 мая. Рабочы дзень 13 мая (панядзелак) пераносіцца на 18 траўня (субота).

«Калі ж 13 мая прыпадае на перыяд водпуску (працоўнага, сацыяльнага) работніка або на перыяд часовай непрацаздольнасці работніка, то 18 мая будзе непрацоўным днём. Таксама, калі супрацоўнік у перыяд з 15 па 17 мая прыняты на працу, для яго 18 мая таксама будзе непрацоўным. Але калі ў супрацоўніка 13 мая прыпадае на службовую камандзіроўку або павышэнне кваліфікацыі, падрыхтоўку і перападрыхтоўку, 18 мая будзе працоўным днём», — дадалі ў ведамстве.

Разліковая норма працоўнага часу ў апошнім месяцы вясны пры 40-гадзінным працоўным тыдні складзе: для пяцідзённага працоўнага тыдня з выходнымі днямі ў суботу і нядзелю — 158 гадзін, для шасцідзённага працоўнага тыдня з выходным днём у нядзелю — 158 гадзін.

Разліковая норма працоўнага часу ўстаноўлена пастановай Міністэрства працы і сацыяльнай абароны ад 17 лістапада 2023 г. № 43 «Аб устанаўленні разліковай нормы працоўнага часу на 2024 год».

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.