Вы тут

Віцебская і Смаленская вобласці будуць развіваць прамыя пастаўкі прадукцыі


Развіццё прамых паставак прадукцыі абмеркавалі прадстаўнікі Віцебскай вобласці з кіраўніцтвам Смаленскай вобласці, перадае БелТА.


Пасяджэнне рабочай групы па супрацоўніцтве Беларусі і Смаленскай вобласці прайшло ў Віцебскім аблвыканкаме, на сустрэчу запрошаны прадстаўнікі міністэрстваў і ведамстваў, вядучых прадпрыемстваў краіны і рэгіёну. Бакі абмяняліся інфармацыяй аб напрамках супрацоўніцтва, якія могуць развіваць сумесна. Размова ішла аб варыянтах актывізацыі знешнегандлёвых сувязей, інвестыцыйнага ўзаемадзеяння і кааперацыі. Асобна спыніліся на ўзаемных пастаўках тэхнікі, абсталявання і запчастак, перспектывах развіцця сельскагаспадарчай вытворчасці і праектаў у сферы будаўніцтва, а таксама развіцці транспарта і дарожнай гаспадаркі. У фокусе ўвагі было і ўзаемадзеянне ў галіне адукацыі і культуры.

Старшыня Віцебскага аблвыканкама Аляксандр Субоцін запэўніў, што паўночны рэгіён адкрыты для праектаў са Смаленскай вобласцю. «Час новы, час магчымасцей, хоць і няпросты, але менавіта цяпер мы можам зрабіць вельмі шмат для сваіх рэгіёнаў і нашых краін — сумесныя праекты, якія дапамогуць нам быць больш эфектыўнымі, больш паспяховымі, больш канкурэнтаздольнымі і дадуць магчымасць жыць лепш», — сказаў ён.  — «Афіцыйны візіт дэлегацыі Смаленскай вобласці кіраўнік паўночнага рэгіёну Беларусі назваў пачаткам «вялікага, больш маналітнага сяброўства, якое прынясе плён».

Смаленскі рэгіён для Віцебскай вобласці традыцыйна адзін з асноўных знешнегандлёвых партнёраў у Расіі. У Смаленскай вобласці засяроджана большасць прадстаўніцтваў прадпрыемстваў Віцебскай вобласці. Знешнегандлёвы абарот Беларусі са Смаленскай вобласцю за 2023 год склаў $4,4 млрд, за студзень — люты гэтага года — $732 млн. З іх беларускіх тавараў у смаленскі рэгіён за год экспартавана на $1,8 млрд і $283 млн — за два месяцы 2024 года .

Тавараабарот Віцебскай вобласці са Смаленскай за 2023 год склаў $212 млн, за студзень — люты ён склаўся на ўзроўні $35 млн. Беларусь закупляе ў Смаленскай вобласці сыравіны, камплектацыі і тавараў на $200-250 млн больш, чым экспартуе. Гэта звязана з увозам у Беларусь нафтавых газаў, а іх доля ў імпарце са Смаленскай вобласці — каля 85 працэнтаў. Акрамя мінеральных прадуктаў, беларускія прадпрыемствы закупляюць палімерную сыравіну, камплектуючыя, тэхнічныя тканіны і ніткі, трыкатажнае палатно, набываюць рухавікі, прыборы, дрот медны і алюмініевы, пліты ДСП і ДВП.

З пачатку года экспарт у Смаленскую вобласць грузавой і пасажырскай тэхнікі, спецтэхнікі, тавараў мяса-малочнай групы, тэкстыльных вырабаў, станочнага абсталявання, прыбораў, металавырабаў, тавараў палімернай групы актывізаваўся ў сярэднім у 1,3 раза.

«У структуры экспарту ў нас пераважае грузавая і пасажырская спецтэхніка, тавары мяса-малочнай прамысловасці, тэкстыльныя вырабы, станочнае абсталяванне, розныя прыборы, металавырабы, тавары палімернай групы. Разам з тым мы бачым, што спектр супрацоўніцтва значна шырэйшы, у нас ёсць такія пазіцыі, якія мы практычна не асвойваем, да прыкладу, будматэрыялы, абутак, медыкаменты. Улічваючы, што гэта цікава для Віцебскай вобласці, у нас ніша па фармацэўтыцы адкрыта, па ветэрынарных прэпаратах, дыванах, ільняных тканінах», — дадала намеснік старшыні Віцебскага аблвыканкама Анжаліка Нікіціна.

Пастаўкі некаторай прадукцыі вядуцца, але не напрамую, а праз пасрэднікаў або іншы рэгіён, дадала яна, заклікаўшы развіваць менавіта прамыя пастаўкі. «Хацелася б больш дэталёва абмеркаваць стварэнне тавараправодных сетак у Смаленскай вобласці, адкрыццё сваіх магазінаў (пра што сёння гаварылі, наведваючы Аршанскі льнокамбінат), каб наша прадукцыя была больш таннай, больш канкурэнтаздольнай як на нашым, так і вашым рынку. Мы таксама гатовы супрацоўнічаць у часткі адкрыцця тавараправодных сетак на тэрыторыі Віцебскай вобласці, у цэлым Беларусі.

Яна прапанавала развіваць супрацоўніцтва ў сферы лёгкай прамысловасці, у тым ліку адкрываць брэндавыя магазіны прадпрыемстваў Віцебскай вобласці ў Смаленскай. Намеснік старшыні звярнула ўвагу на шырокія магчымасці супрацоўніцтва па пастаўках спецыяльнай тэхнікі, сельскагаспадарчай.

Гаворачы аб рабоце ў сферы АПК, яна адзначыла, што немалаважны вопыт у рабоце з буйнымі шматфункцыянальнымі таварнымі аграхолдынгамі. «У нас ёсць кампетэнцыі ў навуковым патэнцыяле і развіцці льнаводства, насенняводства, племяннога ўзнаўлення, меліярацыі і гэтак далей», — дадала Анжаліка Нікіціна.

Афіцыйны візіт дэлегацыі Смаленскай вобласці ў Віцебскую праходзіць 23 красавіка. Раней сёння госці наведалі некаторыя прадпрыемствы паўночнага рэгіёну, ушанавалі памяць загінуўшых у гады Вялікай Айчыннай вайны ля мемарыяльнага комплексу ў гонар савецкіх воінаў-вызваліцеляў на пл.Перамогі, азнаёміліся з тэматычнай экспазіцыяй прадпрыемстваў Беларусі, якая разгарнулася ў аблвыканкаме.

Прэв’ю: БелТА

Выбар рэдакцыі

Фінансы

Як банкі абараняюць ад махляроў грашовыя пераводы

Як банкі абараняюць ад махляроў грашовыя пераводы

За чатыры месяцы 2024 года раскрывальнасць цяжкіх кіберзлачынстваў у параўнанні з аналагічным перыядам мінулага года павысілася на 19%. 

Спорт

Настасся Касцючкова: Чалавек у калясцы не павінен быць зачынены ў чатырох сценах

Настасся Касцючкова: Чалавек у калясцы не павінен быць зачынены ў чатырох сценах

Фехтаваць наша гераіня ўмее трыма відамі зброі: шабляй, шпагай і рапірай. 

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.