Вы тут

Немка стала саперніцай Азаранкі на турніры WTA у Мадрыдзе


У Мадрыдзе пачаліся матчы асноўнага этапу турніру катэгорыі WTA-1000 з прызавым фондам 7,8 млн еўра, паведамляе БелТА.


У 1/64 фіналу адзіночнага разраду прадстаўніца Германіі Таццяна Марыя (67-ы нумар сусветнага рэйтынгу) адолела ў трохсеткавым паядынку амерыканскую тэнісістку Пэйтан Стэрнс (87) — 6:7 (4:7), 6:2, 7:6 (7: 5). У другім крузе Марыя сустрэнецца з беларускай Вікторыяй Азаранка (26). У Мадрыдзе Азаранка двойчы станавілася пераможцай у парным разрадзе (2011, 2023).

Двухразовая пераможца гэтых спаборніцтваў другая ракетка планеты Арына Сабаленка даведаецца пра сваю саперніцу заўтра пасля сустрэчы польскай тэнісісткі Магды Лінет (48) і італьянкі Элізабэты Качарэта (54). У вырашальным паядынку мінулага года Сабаленка абыграла польскую Ігу Свёнтэк, а ў 2021 годзе была мацнейшай за аўстралійку Эшлі Барці.

Яшчэ адна беларуская тэнісістка — Аляксандра Сасновіч (109) — не здолела прабіцца ў асноўную сетку, уступіўшы ў першым раундзе кваліфікацыі брытанцы Хэрыет Дарт (86) — 6:0, 3:6, 6:7 (1:7).

Турнір на адкрытых кортах іспанскай сталіцы фінішуе 5 мая, чэмпіёнка заробіць 1000 рэйтынгавых ачкоў і 963 тыс. еўра.

Прэв’ю: БелТА

Выбар рэдакцыі

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі? 

Культура

Сёлета музей Янкі Купалы адзначае юбілей

Сёлета музей Янкі Купалы адзначае юбілей

«Пласт роднай зямлі — п’едэстал для паэта...» 

Грамадства

Ці забяспечваецца ахова грамадскага парадку на Мінскім моры?

Ці забяспечваецца ахова грамадскага парадку на Мінскім моры?

Пра гэта даведаліся карэспандэнты «Звязды».

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.